आखाती देशांत तणाव वाढण्याची चिन्हे, अनेक ठिकाणी एअरस्पेस बंद; एअर इंडिया, इंडिगोकडून सूचना जारी

America Entry in Israel Iran War: कतार येथील अमेरिकन लष्करी तळांवर इराणे क्षेपणास्त्र हल्ले केल्यानंतर आता अमेरिकेचे राष्ट्राध्यक्ष डोनाल्ड ट्रम्प यांनी संरक्षण अधिकाऱ्यांसोबत एक बैठक बोलावल्याचे म्हटले जात आहे.

America Entry in Israel Iran War:इस्रायल-इराण यांच्यात पेटलेल्या युद्धात अमेरिकेने उडी घेतली. इराणचा आण्विक कार्यक्रम रोखण्यासाठी इस्रायलने सुरू केलेल्या हल्ल्यांदरम्यान अमेरिकेने इराणच्या तीन आण्विक केंद्रांवर बंकर बस्टर बॉम्बनी हल्ला केला. यानंतर आता इराणने कतारमधील अमेरिकेच्या तळांवर ६ क्षेपणास्त्रे डागली आहेत. यानंतर आता कतार, बहरीन, कुवेत यांनी आपले एअरस्पेस बंद केले आहेत. इराणने प्रत्युत्तरादाखल केलेल्या हल्ल्यांमुळे आखाती देशांतील तणाव वाढण्याची शक्यता वर्तवली जात आहे. या घडामोडींच्या पार्श्वभूमीवर एअर इंडिया आणि इंडिगो या विमान कंपन्यांनी आखाती देशात प्रवास करणाऱ्या प्रवाशांना मार्गदर्शक सूचना जारी केल्या आहेत.

मध्य पूर्वेतील सध्याची परिस्थिती आणि कतारने एअर स्पेस बंद केल्यामुळे एअर इंडिया एक्स्प्रेसने कोचीहून दोहाला जाणारे विमान मस्कतला वळवले आहे आणि कन्नूरहून परत आणले आहे. कतारला जाणारे इतर कोणतेही विमान आमच्याकडे नाही. एअर इंडिया एक्स्प्रेसचे कतारमध्येही कोणतेही विमान नाही. आम्ही परिस्थितीचे बारकाईने निरीक्षण करत आहोत. संबंधित अधिकाऱ्यांकडून माहिती घेऊन आमचे प्रवासी आणि कर्मचाऱ्यांच्या सुरक्षिततेसाठी आवश्यक ती सर्व खबरदारी घेऊ. आमच्या नियंत्रणाबाहेरील परिस्थितीमुळे होणाऱ्या गैरसोयीबद्दल आम्ही दिलगीर आहोत. एअर इंडियाच्या प्रवाशांना विनंती करतो की, त्यांनी रिअल टाइम अपडेटसाठी त्यांचे संपर्क तपशील अपडेट करावेत. प्रवास रद्द आणि परतफेड पर्यायांसाठी अधिकृत संकेतस्थळांवर त्यांची फ्लाइट स्थिती तपासावी, असे आवाहन एअर इंडियाच्या प्रवक्त्यांकडून करण्यात आले आहे. 

मध्य पूर्वेतील बदलत्या परिस्थिती लक्षात घेता, काही उड्डाणांना विलंब किंवा वळवण्याची शक्यता

मध्य पूर्वेतील बदलत्या परिस्थिती लक्षात घेता, काही उड्डाणांना विलंब किंवा वळवण्याची शक्यता आहे. सुरक्षित आणि सुसंगत हवाई क्षेत्रात ऑपरेशन्स राहतील, याची खात्री करण्यासाठी हे पाऊल उचलले केले जात आहे. आम्ही फ्लाइटची स्थिती नियमितपणे तपासण्याची शिफारस करतो. तुमच्या फ्लाइटवर परिणाम झाला तर आमच्या वेबसाइटद्वारे पर्याय शोधता येतील. आम्ही संबंधित अधिकाऱ्यांशी समन्वय साधून परिस्थितीचे बारकाईने निरीक्षण करत आहोत, असे इंडिगोकडून सांगितले जात आहे. 

As a result of the ongoing situation in the Middle East and the suspension of Qatar airspace, Air India Express has diverted our Doha-bound flight from Kochi to Muscat and returned our flight bound from Kannur. We have no other flights bound for Qatar. Air India Express has no…

— ANI (@ANI) June 23, 2025

दरम्यान, अमेरिकेचे राष्ट्राध्यक्ष डोनाल्ड ट्रम्प हे संरक्षण अधिकाऱ्यांसोबत एक बैठक घेत असल्याचे सांगितले जात आहे. कतार येथील अमेरिकेचा तळ मध्य पूर्वेतील अमेरिकन लष्करी कारवायांसाठी एक प्रमुख केंद्र म्हणून काम करतो, अशी माहिती देण्यात आली आहे. इराणने प्रत्युत्तरादाखल डागलेल्या क्षेपणास्त्रांचे आवाज कतारची राजधानी दोहा येथे ऐकू आले, असे प्रत्यक्षदर्शींनी रॉयटर्सला सांगितले.

IndiGo issues travel advisory for the situation in the Middle East

In view of the evolving situation in the Middle East, some of our flights may experience delays or diversions. These adjustments are being made to ensure operations remain within safe and compliant airspace. We… pic.twitter.com/pBs95qy5pB

— ANI (@ANI) June 23, 2025