VIDEO : हरियाणातील पंचकुला येथे जग्वार लढाऊ विमान कोसळलं, प्रशिक्षण उड्डाणादरम्यान अपघात

या घटनेनंतर गावात भीतीचे वातावरण आहे. महत्वाचे म्हणजे, लढाऊ विमानाचा पायलट पॅराशूटच्या सहाय्याने सुरक्षितपणे उतरवण्यात यशस्वी झाला...

हरियाणातील पंचकुला येथे भारतीय हवाई दलाचे जग्वार हे लढाऊ विमान कोसळल्याची घटना घडली आहे. सुदैवाने या अपघातात पायलट थोडक्यात बचावला आहे. यासंदर्भात हवाई दलाने दिलेल्या निवेदनानुसार, लढाऊ विमानाने अंबाला एअरबेसवरून प्रशिक्षणासाठी उड्डाण केले होते. पंचकुलाच्या डोंगराळ भागात असलेल्या मोरनी येथील बालदवाला गावाजवळ हे विमान कोसळले. 

या घटनेनंतर गावात भीतीचे वातावरण आहे. महत्वाचे म्हणजे, लढाऊ विमानाचा पायलट पॅराशूटच्या सहाय्याने सुरक्षितपणे उतरवण्यात यशस्वी झाला. घटनेची माहिती मिळताच स्थानिक पोलिसांनी घटनास्थळी धाव घेतली आहे.

Panchkula, Haryana: A fighter jet crashed near Baldwala village in the Morni Hills area, causing panic among locals. The pilot ejected safely using a parachute. Local police reached the spot after receiving the information pic.twitter.com/Zb0iWXzqGB

— IANS (@ians_india) March 7, 2025

सिस्टिममधील बिघाडामुळे विमान कोसळले -
सिस्टिममधील बिघाडामुळे संबंधित लढाऊ विमान कोसळले. पायलटने विमानातून सुरक्षितपणे बाहेर पडण्यापूर्वी, हे विमान जमिनिवर कुठल्याही वसाहतीपासून दूर अथवा निर्जन स्थळी नेले. असे भारतीय हवाई दलाने आपल्या निवेदनात म्हटले आहे