'मला अशा मुली आवडत नाहीत, ज्या...'; भाजप नेत्याचे कपड्यांबद्दल वादग्रस्त विधान

Kailash Vijayvargiya Controversy: स्त्रियांच्या पेहरावाबद्दल बोलताना भाजपचे नेते कैलाश विजयवर्गीय यांनी एक विधान केले. या विधानाने नव्या वादाला तोंड फुटले आहे. 

Kailash Vijayvargiya Controversy News: भाजपचे नेते कैलाश विजयवर्गीय एका विधानामुळे वादाच्या भोवऱ्यात सापडले आहेत. मुलींच्या कपड्यांबद्दल बोलताना कैलाश विजयवर्गीय यांनी हे विधान केले. 'मला अशा मुली आवडत नाही, ज्या छोटे कपडे घातलात', असे विजयवर्गीय म्हणाले. 

'लोकमत'चं WhatsApp चॅनल फॉलो करा!

कैलाश विजयवर्गीय यांच्या भाषणाचा व्हिडीओही सोशल मीडियावर व्हायरल होत आहे. इंदूरमधील एका सार्वजनिक कार्यक्रमात बोलताना त्यांनी हे विधान केले. 

मुलींच्या कपड्यांबद्दल काय बोलले विजयवर्गीय?

नगरविकास मंत्री कैलाश विजयवर्गीय इंदूरमधील एका कार्यक्रमाला उपस्थित होते. ते म्हणाले, "आपल्याकडे काय चांगलं आहे तर मुलींनी चांगला सांजश्रृंगार करावा. त्यांनी चांगले दागिने घालावेत. चांगले कपडे घालावेत. अशा मुलीला आपण सुंदर म्हणतो."

वाचा >>एकीकडे युतीची चर्चा, पण दुसरीकडे मनसेचा बडा नेता मातोश्रीवर; उद्धव ठाकरेंनी बांधले शिवबंधन

"परदेशात जी कमी कपडे घालते, तिला सुंदर म्हटलं जातं. असं म्हटलं जातं की, कमी कपडे घालणारी मुलगी जशी सुंदर असते, तसंच कमी भाषण करणारा नेताही चांगला असतो. अशी म्हण परदेशात आहे. आपल्याकडे मी याचं पालन करत नाही", असे विजयवर्गीय म्हणाले. 

'मी मुलींना सांगतो की चांगले कपडे घालून या'

मंत्री कैलाश विजयवर्गीय पुढे बोलताना म्हणाले की, "माझं मत असं आहे की, आपल्या इथे महिलांना देवी मानतात. चांगले कपडे परिधान करावेत. मला तर कमी कपडे घालणाऱ्या मुली आवडत नाहीत. कधी कधी मुली जेव्हा माझ्यासोबत सेल्फी काढायला येतात, तेव्हा मी त्यांना सांगतो की, बेटा, पुढच्या वेळी व्यवस्थित कपडे घालून ये, मग आपण फोटो काढू."

VIDEO | Here is what MP Minister Kailash Vijayvargiya (@KailashOnline ) says on women who wear skimpy clothes: "I believe women should dress beautifully in Indian attire, as it is highly regarded in our culture. But, in some other countries, women who wear less clothes are often… pic.twitter.com/3FhKERsHNX

— Press Trust of India (@PTI_News) June 5, 2025

२०२२ मध्ये स्त्रियांना म्हणाले होते शूर्पनखा

कैलाश विजयवर्गीय यापूर्वीही अनेकदा वादग्रस्त विधानांमुळे चर्चेत राहिले आहेत. २०२२ मध्येही त्यांनी मुलींच्या कपड्यांबद्दल विधान केले होते. 

हनुमान जयंतीनिमित्त इंदूरमध्ये एक कार्यक्रम आयोजित करण्यात आलेला होता. त्यात ते म्हणाले होते की, 'मी हनुमान जयंतीच्या दिवशी खोटं बोलणार नाही. पण, आजकाल मुली असे घाणेरडे कपडे घालू लागल्या आहेत. आपण स्त्रियांना देवी मानतो, पण त्या तशा दिसत नाहीत. त्या शूर्पनखेसारख्या दिसतात. आपल्या मुलांना संस्कार शिकवा', असे ते म्हणाले होते.