हिमाचलच्या कुल्लूमध्ये ढगफुटीसारखा पाऊस; मोठं नुकसान,पुरात घरे वाहून गेली, व्हिडीओ व्हायरल

हिमाचल प्रदेशच्या कुल्लूमध्ये ढगफुटीमुळे मुसळधार पाऊस झाला, यामुळे नद्या आणि ओढ्यांच्या पाण्याची पातळी वाढली असून शहरात पूर आला आहे.

हिमाचल प्रदेशच्या कुल्लूमध्ये ढगफुटी सारखा पाऊस झाला आहे. अचानक मोठ्या प्रमाणात झालेल्या पावसामुळे नद्यांना पूर आला आहे. पुरात अनेक ठिकाणी घरांचे नुकसान झाले आहे. ढगफुटी सदृष्य पावसाचे व्हिडीओ सोशल मीडियावर व्हायरल झाले आहेत. पावसामुळे कुल्लूमधील सध्याची परिस्थिती खूपच भयावह दिसत आहे.

धक्कादायक! कोरोनानंतर आता जगात आणखी एक संकट येणार, बाबा वेंगांची नवीन भविष्यवाणी

कुल्लू जिल्हा मुख्यालयाला जोडणारा राष्ट्रीय महामार्ग औट-लुहरी-सैंज रस्ता वाहनांच्या वाहतुकीसाठी बंद करण्यात आला आहे. बंजरमधील दोन कार्यक्रमांना उपस्थित राहण्यासाठी आलेले दोन मंत्रीही अडकले आहेत. यामध्ये कृषी आणि पशुसंवर्धन मंत्री प्रा. चंद्र कुमार, तंत्रशिक्षण, व्यावसायिक आणि औद्योगिक प्रशिक्षण मंत्री राजेश धर्मानी यांचा समावेश आहे. 

मोठ्या प्रमाणात पाऊस झाल्यामुळे पूरपरिस्थिती निर्माण झाली आहे. यामुळे लोकांचे मोठे नुकसान झाले आहे. रस्ते बंद झाले आहेत आणि घरांमध्ये पाणी शिरले आहे. मणिकरण व्हॅली, सैंज आणि बंजर येथे आलेल्या पुरामुळे अनेक घरात पाणी शिरले आहे. सैंजच्या जिवा नाल्यात आलेल्या पुरामुळे, सिनुडमध्ये एनएचपीसी शेड वाहून गेले आहेत. 

पावसामुळे शहरात गोंधळ

याशिवाय, सैंज मार्केटमध्ये एक कॅम्पर आणि एक स्कूटी वाहून गेली आहे. अनेक ठिकाणी रस्ता खराब झाला आहे. पुराची बातमी मिळताच लोकांमध्ये गोंधळ उडाला. यानंतर लोकांनी आपली घरे रिकामी करण्यास सुरुवात केली आहे. सैंज खोऱ्यातील सखल भागात राहणाऱ्या लोकांना सावधगिरी बाळगण्यास सांगण्यात आले आहे. प्रशासनाने बचावकार्य सुरू केले आहे.