Volcano Eruption Video: १२००० वर्षे शांत असलेल्या ज्वालामुखीचा स्फोट झाला. ज्वालामुखीच्या या स्फोटामुळे भारतावरही परिणाम झाला आहे. इथियोपियातील हैली गुब्बी ज्वालामुखीचा स्फोट झाला आहे. स्फोटानंतर निर्माण झालेली राख प्रति तास १२० किमी इतक्या वेगाने भारतापर्यंत पोहोचली आहे. इंडियामेटस्काय वेदरच्या माहितीनुसार ज्वालामुखीच्या राखेचे ढग सोमवारी (२४ नोव्हेंबर) रात्री पश्चिम भारतातील काही भागांमध्ये पोहोचले आणि उत्तरेकडील राज्याच्या दिशेने जात आहेत.
ज्वालामुखीच्या स्फोटानंतर १४ किलोमीटर उंच राखेचा ढग तयार झाला असून, या ढगामुळे हवाई सेवेलाही फटका बसला आहे. भारतीय हवामान खात्याने यासंदर्भात सावधगिरीची इशारा दिला आहे. अंदाजानुसार याचा परिणाम गुजरात, दिल्ली-एनसीआर, राजस्थान, पंजाब आणि हरयाणापर्यंत होण्याची शक्यता आहे.
महाराष्ट्रातील कोणत्या भागात राखेचे ढग?
इंडियामेटस्काय वेदरने याबद्दल म्हटले आहे की, राखेच्या ढगाने गुजरात (भारताच्या पश्चिमेकडून) मधून भारतात प्रवेश केला. रात्री १० वाजता राजस्थान, उत्तर-पश्चिम महाराष्ट्र, दिल्ली, हरयाणा आणि पंजाबच्या दिशेने हे ढग सरकले आणि त्याने हिमालय आणि इतर क्षेत्रातही प्रवेश केला.
ज्वालामुखीच्या राखेत काय असते?
ज्वालामुखीचा स्फोट झाल्यानंतर राखेचे ढग आकाशात पसरले आहे. हे ढग प्रति तास १०० ते १२० किमी इतक्या वेगाने उत्तर भारताच्या दिशेने सरकले. रिपोर्टनुसार, ज्वालामुखीच्या राखेत सल्फर डायऑक्साईड, काच आणि दगडाचे छोटे कण असतात.
इंडियामेटस्काय वेदरने इशारा दिला आहे की, राखेच्या ढगामुळे दृश्यमानता कमी होऊ शकते. म्हणजे राखेच्या धुरक्यामुळे समोरच्या गोष्टी अस्पष्टपणे दिसतील. त्याचबरोबर हवाई वाहतूक विस्कळीत होऊ शकते. राखेचे हे ढग समुद्रसपाटीपासून तब्बल २५००० ते ४५००० फूट इतक्या उंचीवरून सरकत आहे, त्यामुळे त्याचा हवेच्या गुणवत्तेवर काहीही परिणाम पडणार नाही. राखेचे काही कण जमिनीवर पडू शकतात, पण त्याचीही शक्यता कमीच आहे, असेही इंडियामेटस्काय वेदरने म्हटले आहे.
इथियोपियात काय घडले?
एपी वृत्तसंस्थेच्या रिपोर्टनुसार, इथियोपियातील अफार भागात असलेल्या हैली गुब्बी ज्वालामुखी रविवारी सकाळी फुटला. त्यामुळे आजूबाजूची गावे धुळीने झाकली गेली आहेत. स्थानिक अधिकारी मोहम्मद सईद यांनी सांगितले की, यात कोणतीही जीवितहानी झालेली नाही. पण, ज्वालामुखीच्या स्फोटामुळे स्थानिक लोकांवर आर्थिक स्वरुपात परिणाम होऊ शकतो. हैली गु्ब्बी ज्वालामुखीचा स्फोट झाल्याची यापूर्वीची कोणतीही नोंद नाहीये.
एका स्थानिक नागरिकाने सांगितले की, आम्ही प्रचंड मोठा आवाज ऐकला. त्यामुळे कंपणे जाणवली. असे वाटले की, धूर आणि राखेसह कुणीतरी बॉम्ब फेकला आहे.
Web Summary : Ethiopia's Hayli Gubbi volcano erupted, sending ash towards India at 120 km/h. Parts of western India, including northwest Maharashtra, may experience ash clouds, potentially disrupting air travel and reducing visibility. Impacts anticipated in Gujarat, Delhi-NCR, Rajasthan, Punjab, and Haryana.
Web Summary : इथियोपिया के हैली गुब्बी ज्वालामुखी का विस्फोट, राख 120 किमी/घंटा की गति से भारत की ओर। पश्चिम भारत के कुछ हिस्सों, जिनमें उत्तर-पश्चिम महाराष्ट्र शामिल है, में राख के बादल छा सकते हैं, जिससे हवाई यात्रा बाधित हो सकती है। गुजरात, दिल्ली-एनसीआर, राजस्थान, पंजाब और हरियाणा में प्रभाव की आशंका है।