धक्कादायक ! एकाच कुटुंबातील चार जणांचा संशयास्पद मृत्यू 

एकाच कुटुंबातील चार जणांचा संशयास्पद मृत्यू झाल्याची घटना समोर आल्यानं मोठी खळबळ उडाली आहे.

गुरूग्राम - हरियाणामधील गुरुग्राम येथे एकाच कुटुंबातील चार जणांचा संशयास्पद मृत्यू झाल्याची घटना समोर आल्यानं मोठी खळबळ उडाली आहे. धक्कदायक बाब म्हणजे,  मृतांमध्ये एका वर्षाच्या मुलीचाही समावेश आहे. पतौडी तालुक्यातील ब्रीजपुरा गावातील ही घटना आहे. बुधवारी (29 ऑगस्ट) रात्री सुमारास ही घटना उजेडात आली. एका महिलेचा मृतदेह मृतदेह गळफास घेतलेल्या अवस्थेत आढळला आणि दोन मृतदेह जमिनीवर पडलेले होते.  

घटनेची माहिती मिळताच पोलिसांनी घटनास्थळी धाव घेत सर्व मृतदेह ताब्यात घेतले असून ते पोस्टमार्टेमसाठी पाठवण्यात आले आहेत. मिळालेल्या माहितीनुसार, घटनास्थळाहून एकूण तीन मृतदेह ताब्यात घेण्यात आले होते व एका वर्षाच्या मुलीला हॉस्पिटलमध्ये दाखल करण्यात आले होते. मात्र तिचाही उपचारादरम्यान मृत्यू झाला.  

दरम्यान, या घटनेबाबत अद्यापपर्यंत ठोस माहिती मिळालेली नसून  पोलीस घटनेचा तपास करत आहेत.  

Gurugram: 3 members of a family were found dead in Pataudi's Brijpura village last night while a 4th member, a 1-yr-old child, died in hospital. Police say 'A woman's body was found hanging, found 2 bodies lying on floor, sent child to hospital where she died. Probe on. #Haryanapic.twitter.com/cJiCwTH0cG

— ANI (@ANI) August 30, 2018