हनुमान मुसलमान होते, भाजपाच्या आमदाराचे वादग्रस्त विधान

रामभक्त हनुमानाच्या जातीवरुन सुरू झालेला वाद संपुष्टात येण्याचं नाव घेत नाहीय. यासंदर्भात आता भाजपाचे आमदार बुक्कल नवाब यांनी वादग्रस्त विधान केले आहे.

नवी दिल्ली - रामभक्त हनुमानाच्या जातीवरुन सुरू झालेला वाद संपुष्टात येण्याचं नाव घेत नाहीय. यासंदर्भात आता भाजपाचे आमदार बुक्कल नवाब यांनी वादग्रस्त विधान केले आहे. हनुमान मुस्लिम होते, असे बेताल वक्तव्य त्यांनी केले आहे.  

बुक्कल नवाब यांचे विधान 
''हनुमानजी हे मुसलमान होते, असे आमचे मानने आहे. यामुळे मुसलमानांमध्ये  रहमान, रहमान, रमजान, फरमान, जीशान, कुर्बान अशी जी काही नावं ठेवली जातात. ती जवळपास हनुमानाच्याच नावावरुन ठेवण्यात येतात. त्यांच्या नावाशी मिळती-जुळती नावं ठेवली जातात'', असे विधान नबाव यांनी केले आहे. 

#WATCH: BJP MLC Bukkal Nawab says "Hamara man'na hai Hanuman ji Muslaman theyy, isliye Musalmanon ke andar jo naam rakha jata hai Rehman, Ramzan, Farman, Zishan, Qurban jitne bhi naam rakhe jaate hain wo karib karib unhi par rakhe jaate hain." pic.twitter.com/1CoBIl4fPv

— ANI (@ANI) December 20, 2018

काही दिवसांपूर्वी उत्तर प्रदेशचे मुख्यमंत्री योगी आदित्यनाथ यांनी रामभक्त हनुमान दलित आणि वंचित होते, असा शोध लावला होता. "बजरंगबली असे लोकदैवत आहेत जे वनवासी, दलित आणि वंचित आहेत'', असे विधान त्यांनी केले होते.  याप्रकरणी, उत्तर प्रदेशातील एका संघटनेनं योगी आदित्यनाथ यांना माफी मागण्यास सांगत नोटिसही बजावली होती.