Work From Home : या राज्यातील महिलांसाठी खुशखबर! 'वर्क फ्रॉम होम' सुविधा मिळणार! जाणून घ्या मुख्यमंत्र्यांचा प्लॅन

Work From Home : महिला दिनापूर्वीच राज्य सरकारने मोठं गिफ्ट दिले आहे.

Work From Home ( Marathi News ) : आंध्र प्रदेशमधील महिला कर्मचाऱ्यांसाठी आनंदाची बातमी आहे. महिला दिनापूर्वीच राज्य सरकारने मोठं गिफ्ट दिले आहे. मुख्यमंत्री चंद्रबाबू नायडू यांनी महिलांसाठी 'वर्क फ्रॉम होम'ची घोषणा केली आहे.  या निर्णयाची राज्यासह देशाची चर्चा सुरू आहे. या घोषणेबाबत मुख्यमंत्री चंद्राबाबू नायडू यांनी सोशल मीडिया प्लॅटफॉर्म 'एक्स'वर पोस्ट शेअर केली आहे.  

पाकिस्तानच नाही, भारताच्या चिकन नेकपर्यंत चीनही पोहोचणार; बांगलादेश रचतोय मोठे कारस्थान

महिलांसाठी'वर्क फ्रॉम होम'ची घोषणा करताना मुख्यमंत्री चंद्राबाबू नायडू म्हणाले की, या निर्णयामुळे कामाच्या ठिकाणी महिलांची उत्पादकता आणखी सुधारेल. कोविड 19 साथीच्या काळात काम करण्याच्या पद्धतींमध्ये मोठा बदल झाला आहे. तंत्रज्ञानामुळे घरून काम करणे सोपे झाले आहे. रिमोट वर्क, कोवर्किंग स्पेस आणि नेबरहुड वर्कस्पेस सारख्या व्यवस्था व्यवसाय आणि काम करणाऱ्या लोकांसाठी फायदेशीर ठरल्या आहेत, यामुळे कामाची उत्पादकता देखील वाढेल, असंही मुख्यमंत्री चंद्रबाबू नायडू म्हणाले. 

मुख्यमंत्री चंद्राबाबू नायडू यांनी 'एक्स'वर एक पोस्ट शेअर केली आहे. पोस्टमध्ये लिहिले की, अशा उपक्रमांमुळे आपल्याला काम आणि जीवनातील संतुलन चांगले राहण्यास मदत होऊ शकते. आंध्र प्रदेशात अर्थपूर्ण बदल घडवून आणण्याची आमची योजना आहे. आंध्र प्रदेश आयटी आणि जीसीसी धोरण 4.0 हे त्या दिशेने एक मोठे पाऊल आहे. आम्ही प्रत्येक शहर/शहर/विभागात आयटी कार्यालये स्थापन करण्यासाठी विकासकांना प्रोत्साहन देत आहोत आणि तळागाळात रोजगार निर्माण करण्यासाठी आयटी/जीसीसी कंपन्यांना पाठिंबा देत आहोत, असंही या पोस्टमध्ये आहे. 

आम्ही नेहमी वचनबद्ध आहोत

मुख्यमंत्री चंद्रबाबू नायडू यांनी विज्ञान, तंत्रज्ञान, अभियांत्रिकी आणि गणित क्षेत्रात काम करणाऱ्या महिला आणि मुलींना आंतरराष्ट्रीय विज्ञान दिनानिमित्त शुभेच्छा दिल्या. यावेळी ते म्हणाले की, आमचे सरकार या क्षेत्रात महिलांसाठी समान संधी निर्माण करण्यासाठी वचनबद्ध आहे. या योजनेद्वारे, सरकार महिलांसाठी काम आणि जीवनातील संतुलन सुधारण्यासाठी आणि त्यांना त्यांच्या करिअरमध्ये पुढे जाण्यासाठी प्रत्येक संधी आणि मदत देण्यासाठी पूर्णपणे वचनबद्ध आहे.

Andhra Pradesh is planning "Work From Home" in a big way, especially for women.

First, I would like to extend greetings to all women and girls in STEM on the International Day of Women and Girls in Science. Today, we celebrate their achievements and commit ourselves to providing… pic.twitter.com/En4g7pfEba

— N Chandrababu Naidu (@ncbn) February 11, 2025