बिजापूरमध्ये भीषण चकमक, आणखी एक बडा नक्षलवादी ठार, ४० लाख रुपये बक्षीस असलेला सुधाकर मारला गेला 

Naxalite Encounter: छत्तीसगडमधीस बिजापूर जिल्ह्यात डीआरजी आणि एसटीएफने नॅशनल पार्क परिसरात नक्षलवाद्यांविरोधात चालवलेल्या संयुक्त अभियानामध्ये नक्षलवाद्यांच्या सेंट्रल कमिटीचा सदस्य असलेला सुधाकर हा मारला गेल्याचं प्राथमिक वृत्त आहे. 

गेल्या काही दिवसांपासून नक्षलवाद्यांविरोधात हाती घेण्यात आलेल्या व्यापक मोहिमेदरम्यान, सुरक्षा दलांच्या हाती मोठं यश लागलं आहे. छत्तीसगडमधीस बिजापूर जिल्ह्यात डीआरजी आणि एसटीएफने नॅशनल पार्क परिसरात नक्षलवाद्यांविरोधात चालवलेल्या संयुक्त अभियानामध्ये नक्षलवाद्यांच्या सेंट्रल कमिटीचा सदस्य असलेला सुधाकर हा मारला गेल्याचं प्राथमिक वृत्त आहे.

छत्तीसगडमधीस बिजापूर जिल्ह्यात नॅशनल पार्क परिसरात डीआरजी आणि एसटीएफने नक्षलवाद्यांविरोधात चालवलेल्या संयुक्त अभियानादरम्यान, नक्षलवादी आणि सुरक्षा दलांमध्ये भीषण चकमक झाली. या चकमकीदरम्यान, सुरक्षा दलांनी इतर नक्षलवाद्यांसह नक्षलवाद्यांच्या सेंट्रल कमिटीचा सदस्य असलेला सुधाकर यालाही घेरले. तसेच या चकमकीत तो मारला गेला. सुधाकर याच्यावर सरकारने ४० लाख रुपयांचं बक्षीस घोषित केलं होतं. ही चकमक बिजापूरमधील घनदाट जंगलामध्ये झाली.

बिजापूरचे पोलीस अधीक्षक डॉक्टर जितेंद्र यादव यांनी सुरक्षा दलं आणि नक्षवाद्यांमध्ये झालेल्या चकमकीला दुजोरा दिला आहे. मात्र सुधारक हा मारला गेला की नाही, याबाबत कुठलीही अधिकृत माहिती समोर आलेली नाही. दरम्यान, जवान या परिसरात शोधमोहिम राबवत आहेत.

दरम्यान, या चकमकीत मारल्या गेलेल्या नक्षलवाद्यांची संख्या वाढू शकते, असेही सांगण्यात येत आहे. तसेच चकमकीदरम्यान, मोठ्या प्रमाणावर हत्यारे आणि इतर सामान जप्त करण्यात आलं आहे.