बदलीमुळे अभियंता संतापला, रागाच्या भरात पाणीपुरवठा खंडित केला; सत्य आले समोर

बदलीला कंटाळून एका अभियंत्याने पाणीपुरवठा खंडित केला. तीन दिवस पाणीपुरवठा बंद राहिला.

सरकारी नोकरीमध्ये काही वर्षानंतर कर्मचाऱ्यांची बदली होत असते. पण, काही कर्मचारी या बदली विरोधात असतात. बदलीला वैतागून एका  कर्मचाऱ्याने पाणीपुरवठा बंद केला. २३ ऑगस्ट रोजी नवयार्डमधील पाणीपुरवठा अचानक बंद झाला. तीन दिवस पाणी नव्हते. नवयार्ड परिसरातील लोकांना अनेकदा पाण्याच्या समस्येला तोंड द्यावे लागते. अनेकांना पाईपलाईन फुटल्यामुळे पाणी पुरवठा बंद झाला असेल असे वाटले. पण, ज्यावेळी पाणी न येण्याचे कारण समोर आले तेव्हा सर्वांना धक्का बसला.

वडोदरा महानगरपालिकेचे उपकार्यकारी अभियंता योगेश वसावा यांनी भूमिगत पाण्याचा झडप बंद केला होता, त्यानंतर पाणीपुरवठा बंद झाला आणि लोकांना पाणी मिळाले नाही. अशा परिस्थितीत लोकांना अडचणींचा सामना करावा लागला. अनेक लोकांनी टँकर आणि हातपंपांनी पाणी भरण्यास सुरुवात केली. पाणी का बंद झाले याची हे अधिकाऱ्यांनाच कळत नव्हते. 

बदलीमुळे अभियंता संतापला होता

पण, प्रत्यक्षात हे प्रकरण वेगळेच होते. उपकार्यकारी अभियंता योगेश वसावा यांच्या बदलीमुळे ते संतापले होते.  त्यांची बदली पाणीपुरवठा विभागातून रस्ते विभागाच्या हॉट मिक्स प्लांटमध्ये झाली.  योगेश यावर खूश नव्हते. बदला घेण्यासाठी त्याने पाणीपुरवठा बंद केला. म्हणजेच त्याने आपला राग जनतेवर काढला. योगेशचा राग जनतेसाठी एक समस्या बनली, जनतेला तीन दिवस पाणीटंचाईचा सामना करावा लागला.

प्रकरण असे उघड झाले

तपासणी केल्यानंतर ही बाब उघडकीस आली. उत्खननात व्हॉल्व्ह जाणूनबुजून बंद केल्याचे उघड झाले. या प्रकरणाची चौकशी करण्यासाठी आजूबाजूच्या परिसरातील सीसीटीव्ही फुटेज तपासण्यात आले. सीसीटीव्हीमध्ये कर्मचारी संजय माळी व्हॉल्व्ह बंद करताना दिसला. यानंतर संजयची चौकशी केली असता त्याने संपूर्ण सत्य उघड केले आणि योगेशच्या सूचनेवरून हे केल्याचे सांगितले. 

दुसऱ्या एका अभियंत्याने तक्रार दाखल केली. यानंतर उपकार्यकारी अभियंता आलोक शहा यांनी अभियंता योगेशविरुद्ध तक्रार दाखल केली. अभियंता योगेश यांनी आपला राग आणि संताप व्यक्त करण्यासाठी हे केले असे त्यांनी तक्रारीत म्हटले आहे. तक्रार करताना आलोक शहा यांनी योगेशवर आरोप केला की त्यांनी त्यांना त्रास देण्यासाठी आणि लोकांमध्ये असंतोष निर्माण करण्याच्या उद्देशाने पाणीपुरवठा खंडित केला. या घटनेमुळे परिसरातील लोकही संतापले आहेत. त्यांनी जबाबदार असलेल्यांवर कठोर कारवाई करण्याची मागणी केली आहे.