'आयुष्मान'मधून उपचार हवेत तर मोदींकडे जा! डॉक्टरचा सल्ला

पंतप्रधान नरेंद्र मोदी यांच्या महत्काकांक्षी योजनेचा पुरता फज्जा उडताना दिसत आहे.

लखनऊ : पंतप्रधान नरेंद्र मोदी यांच्या महत्काकांक्षी योजनेचा पुरता फज्जा उडताना दिसत आहे. लखनऊ मधील किंग जॉर्ज वैद्यकीय विद्यापीठाच्या डॉक्टरनीआयुष्मान भारत योजनेतून रुग्णावर उपचार करण्यास नकार दिला असून कार्ड परत देत पंतप्रधान मोदींकडेच उपचाराला जा, असा अजब सल्ला दिल्याचा आरोप रुग्णाच्या नातेवाईकांनी केला आहे. 

#Lucknow: Man alleges that a doctor at King George's Medical University refused to treat his relative in spite of having a 'Ayushmaan Bharat' card & told him to go to PM Modi. (22.10.18) pic.twitter.com/n0che9PzyS

— ANI UP (@ANINewsUP) October 24, 2018

पंतप्रधान नरेंद्र मोदी यांनी नुकतीच देशातील 10 कोटी गरीब, गरजू कुटुंबांना आयुष्मान भारत या आरोग्य विमा योजनेद्वारे 5 लाखांचा विमा पुरविला आहे. यासाठी सरकारी आणि ट्रस्टच्या हॉस्पिटलनाही यामध्ये सहभागी करून घेण्यात आले आहे. 

#Lucknow: We were among the first hospitals to implement Ayushmaan Bharat program. Action will be taken against the doctor. : Santosh Kumar, Media Incharge, King George's Medical University (22.10.18) pic.twitter.com/eBdIeP4FPm

— ANI UP (@ANINewsUP) October 24, 2018

सोमवारी रात्री लखनऊमधील किंग जॉर्ज वैद्यकीय विद्यापीठाच्या इस्पितळामध्ये रुग्णाला घेऊन नातेवाईक आले होते. या वेळी त्यांनी आयुष्मान योजनेचे कुटुंबाला मिळालेले कार्ड दाखविले. मात्र, डॉक्टरने हे कार्ड पुन्हा माघारी देत उपचार करण्यास नकार दिला. तसेच हे कार्ड घ्या आणि पंतप्रधान मोदींकडे जा, असा उलट सल्लाही त्याने या रुग्णाच्या नातेवाईकांना दिला. याबाबतची तक्रार नातेवाईकांनी केल्यानंतर विद्यापिठाच्या प्रवक्त्याने या डॉक्टरवर कारवाई करण्याचे आश्वासन दिले आहे.