पतीसोबत तलाक, मग बनली प्रोफेसर; 'जैश-ए-मोहम्मद'मध्ये महिलांच्या भर्तीची होती जबाबदारी! दहशतवादी डॉ. शाहीनची संपूर्ण कुंडली

पोलिसांनी दिलेल्या माहितीनुसार, शाहीन सैय्यदचा संबंध नव्याने स्थापन झालेल्या ‘जमात उल मोमिनात’ या संघटनेशी असून, ही संघटना प्रतिबंधित ‘जैश-ए-मोहम्मद’ने गेल्या महिन्यातच सक्रिय केली आहे.

फरीदाबाद येथे मोठे अंतरराज्यीय दहशतवादी माड्यूलचा भंडाफोड झाल्यानंतर, अटक करण्यात आललेल्या आठ जणांपैकी लखनौ येथील एका महिला डॉक्टरसंदर्भात पोलिसांनी मोठा दावा केला आहे, डॉक्टर शाहीन सैय्यदने महाराष्ट्रातील एका व्यक्तीशी लग्न केले होते. मात्र त्यांचे लग्न फार काळ टिकली नाही आणि 2015 मध्ये त्यांचा घटस्फोट झाला. 2006-07 मध्ये तिची निवड उत्तर प्रदेश लोकसेवा आयोगामार्फत कानपूर येथील गणेश शंकर विद्यार्थी वैद्यकीय महाविद्यालयात सहाय्यक प्राध्यापक म्हणून झाली होती. 

पोलिसांनी दिलेल्या माहितीनुसार, शाहीन सैय्यदचा संबंध नव्याने स्थापन झालेल्या ‘जमात उल मोमिनात’ या संघटनेशी असून, ही संघटना प्रतिबंधित ‘जैश-ए-मोहम्मद’ने गेल्या महिन्यातच सक्रिय केली आहे. तपास अधिकाऱ्यांनी दिलेल्या माहितीनुसार, शाहीन सैय्यद पाकिस्तानस्थित हँडलरच्या संपर्कात होती. या हँडलरकडून भारतातील महिलांना दहशतवादी कारवायांमध्ये सामील करण्याचे निर्देश दिले जात होते. 

महत्वाचे म्हणजे, शाहीनला ‘जैश-ए-मोहम्मद’च्या महिला भर्ती विंगचा भाग बनविण्यात आले असा, असा संशयही व्यक्त करण्यात येत आहे. घटस्फोटानंतर शाहीन हरियाणातील फरीदाबाद येथील अल फलाह विद्यापीठाशी जोडली गेली आणि तेथेच एकटी राहत होती. याचाच फायदा घेऊन तिला कट्टरतावादी बनवण्यात आले. नावी दिल्लीतील कार ब्लास्ट प्रकरणातही शाहीनला आरोपीत करण्यात आले आहे.

अधिक चौकशीसाठी तिला श्रीनगर येथे हलविण्यात आले आहे. चौकशीतून आणखी धक्कादायक गोष्टी उघड होण्याची शक्यता वर्तवली जात आहे.

या प्रकरणावरून, स्पष्ट होते की, ‘जैश-ए-मोहम्मद’ आता आयएसआय आणि आयएसआयएस प्रमाणेच महिलांच्या सहभागावर काम करत आहे. यात युद्ध आणि फिदायीन हल्ल्यांसाठीही महिलांचा वापर केला जाऊ शकतो.