दिल्ली पोलिसांचा भालस्वा डेअरीवर छापा! घरातून दोन हातबॉम्ब जप्त, खलिस्तानी दहशतवाद्यांशी कनेक्शन

दिल्लीच्या जहांगीरपुरी येथून दोन संशयित खलिस्तान-समर्थित दहशतवाद्यांना अटक करण्यात आली आहे. तसेच भालस्वा डेअरी परिसरात दिल्लीपोलिसांच्या स्पेशल सेलने छापा टाकला आहे. या छाप्यात एका घरातून हातबॉम्ब सापडले आहेत. जहांगीरपुरी येथून अटक करण्यात आलेल्या जगजीत उर्फ ​​जस्सा आणि नौशाद यांच्याकडून मिळालेल्या माहितीनुसार हा छापा टाकण्यात आला.

या आरोपींची दिल्ली पोलीस चौकशी करत आहेत. जगजीत उर्फ ​​जस्सा उर्फ ​​जस्सा उर्फ ​​याकूब उर्फ ​​कप्तान, रहिवासी उधम सिंह नगर, उत्तराखंड आणि नौशाद, रहिवासी जहांगीरपुरी यांना 14 दिवसांच्या कोठडीत ठेवण्यात आले आहे.

तपासादरम्यान दोन्ही आरोपींनी शुक्रवारी रात्री स्पेशल सेलच्या पथकाला ठाणे भालस्व डेअरी अंतर्गत श्रद्धानंद कॉलनीतील त्यांच्या भाड्याच्या घरात नेले. खोलीची झडती घेतली असता तेथून दोन हातबॉम्ब सापडले आहेत.

या दोन आरोपींनी या खोलीतच कोणाची तरी हत्या केल्याचा पोलिसांना संशय आहे, मात्र अद्याप मृत व्यक्तीबाबत कोणतीही माहिती समोर आलेली नाही.

दिल्ली पोलिसांच्या स्पेशल सेलने प्रजासत्ताक दिनापूर्वी जहांगीरपुरी परिसरातून दोन संशयित दहशतवाद्यांना अटक करून मोठा कट उधळून लावल्याचा दावा केला आहे. अटकेदरम्यान, पोलिसांनी त्यांच्या ताब्यातून 22 जिवंत काडतुसेसह तीन पिस्तुल जप्त केले.

जगजीत सिंग कॅनडात बसलेल्या खलिस्तानी दहशतवादी अर्शदीप डलाच्या संपर्कात होते, असे सांगण्यात आले आहे. अर्शदीपला चार दिवसांपूर्वीच गृह मंत्रालयाने दहशतवादी घोषित केले होते.

गौतम अदानींनी एकाच दिवसात डाव उलटवला! टॉप-10 श्रीमंतांमध्ये पुन्हा तिसऱ्या स्थानावर

पोलिसांनी दिलेल्या माहितीनुसार, आरोपी नौशाद हरकत-उल-अन्सार या दहशतवादी संघटनेशी संबंधित होता, त्याने हत्येच्या दोन गुन्ह्यांमध्ये जन्मठेपेची आणि स्फोटक कायद्याच्या एका प्रकरणात 10 वर्षांची शिक्षा भोगली होती.