डेटिंग अ‍ॅपवरून सुंदर तरुणी कॅफेत भेटायला आली, १२००० रुपयांचे बिल केले आणि पळून गेली... तरुण बिचारा...

Scam on Date: एका डेटिंग अ‍ॅपवरून या पीडित तरुणाला तरुणी सापडलेली असते. तिच्याशी चॅट करत करत कॅफेमध्ये भेटण्याचे ठरते. हा प्रकार परदेशात नाही तर दिल्लीत घडला आहे.

डेटिंग अ‍ॅपवरून सुंदर तरुणी कॅफेत भेटायला आली, १२००० रुपयांचे बिल केले आणि पळून गेली...

डेटिंग अ‍ॅपवरून फसल्यावर युजर आपला अनुभव सोशल मीडियावर शेअर करत असतात. तरी देखील लोक या पोस्ट वाचूनही फसत असतात. डेटिंग अॅपद्वारे एका तरुणीसोबत डेटवर गेलेल्या तरुणासोबत अशीच फसवणूक झाली आहे. त्याने रेडीटवर याची माहिती दिली आहे. ही घटना परदेशात नाही तर दिल्लीतील लोकस कॅफेतील आहे. 

एका डेटिंग अ‍ॅपवरून या पीडित तरुणाला तरुणी सापडलेली असते. तिच्याशी चॅट करत करत कॅफेमध्ये भेटण्याचे ठरते. लोकस कॅफेत गेल्यावर तरुणी एकामागोमाग एक ऑर्डर देत सुटते. या तरुणाकडे तेवढे पैसे नसतात, त्याच्याकडे तीनच हजार रुपये आहेत असे तो सांगतो. आपण दोघांनी मिळून हे बिल निम्मे निम्मे भरु असे तो तिला सांगतो. हे ऐकून ती तरुणी आणखी ऑर्डर करायला सुरु करते. बिल कधी १२००० वर पोहोचते हे या तरुणालाही समजत नाही. 

या तरुणीचे नाव भूमी आहे, असे या तरुणाने सांगितले आहे. येगर बॉम्ब्सची तीने पहिली ऑर्डर दिली होती. त्याची प्रत्येकी बॉम्ब्सची किंमत १२०० रुपये आहे हे पाहून त्याला टेन्शन आले. त्याने आपल्याकडे एवढे पैसे नाहीत असे तिला सांगितले. माझ्याकडे फक्त ३ हजार आहेत जे मला एक किंवा दोन जेवणासाठी पुरेसे आहेत, असे या तरुणाने तिला सांगितले. तिने ऑर्डरवर ऑर्डर दिल्या आणि नंतर बिला मागविले. तिने चांगले ११९५८ रुपयांचे बिल केले होते. सगळे खाऊन-पिऊन झाल्यावर तिने तिच्याकडे फक्त १०० रुपयेच असल्याचे सांगितले, हे ऐकून त्या तरुणाच्या पायाखालची जमिनच सरकली. 

अडचणीत सापडल्यावर या तरुणाने कॅफेतील कर्मचाऱ्यांना बिल निम्मे निम्मे करण्यास सांगितले. त्यांनी नकार दिला. या बोलण्यात त्या भूमीने तेथून पोबारा देखील केला. कॅफेची ओनर वर्षा नावाची महिला होती. तिला त्याने भूमीला रोखण्यास आणि तिच्याकडून बिल घेण्यास सांगितले. परंतू तिने ती मुलगी आहे आम्ही तिला थांबवू शकत नाही असे सांगत या तरुणालाच बिल भरण्यास सांगितले. दोन तास कॅफेत थांबल्यावर त्याने मित्रांना बोलवून बिल भरले.