भारतात पुन्हा एकदा कोरोनाचा वेगाने प्रसार होत आहे. याच दरम्यान सरकारने जनतेला आरोग्याची काळजी घेण्याचे आणि अनेक खबरदारी घेण्याचं आवाहन केलं आहे. कोरोनामुळे जगात लाखो लोकांचा मृत्यू झाला. २०२५ मध्ये कोरोना परतल्याने लोकांच्या मनात भीती निर्माण झाली आहे. अशातच सोशल मीडिया आणि इंटरनेटवर पुन्हा एक नाव व्हायरल होत आहे, ते म्हणजे रियो तत्सुकी. लोक त्यांना जपानी बाबा वेंगा म्हणून ओळखतात. १९९९ मध्ये त्यांनी लिहिलेल्या 'द फ्युचर अॅज आय सी इट' या पुस्तकाने जगाचं लक्ष वेधून घेतलं. त्यांनी पुस्तकात नमूद केलं की, २०२० मध्ये एक अज्ञात व्हायरस येईल, एप्रिलमध्ये शिखरावर पोहोचेल आणि नंतर १० वर्षांच्या आत पुन्हा परत येईल. तो अधिक प्राणघातक आणि विनाशकारी असेल.
२०२५ च्या मध्यापर्यंत जग कोरोना व्हायरससोबत जगायला शिकलं आहे. भारतासह अनेक देशांमध्ये अचानक नव्या रुग्णांमध्ये वाढ दिसून आली. सध्या जरी परिस्थिती इतकी भयावह नसली तरी आरोग्य मंत्रालय आणि शास्त्रज्ञांमध्ये पुन्हा खळबळ उडाली आहे. वर्ल्डोमीटरच्या आकडेवारीनुसार, एप्रिल २०२४ पर्यंत, कोरोनाचे एकूण ७०.४ कोटींहून अधिक रुग्ण आढळले आहेत. त्यापैकी ७० लाख लोकांचा मृत्यू झाला.
"कोरोनासोबत जगण्याची सवय लावा, २१-२८ दिवस...”; नव्या व्हेरिएंटबद्दल काय म्हणाले तज्ज्ञ?
जपानी बाबा वेंगा यांची कोरोनाबद्दलची भविष्यवाणी
जपानी बाबा वेंगा यांची कोरोनाच्या परत येण्याबद्दलची भविष्यवाणी ही २०२० च्या भाकिताशी अगदी जुळते. भारत आणि जगात कोरोनाचा पहिला मोठा स्फोट २०२० मध्ये मार्च-एप्रिल दरम्यान झाला होता. या काळात कोरोना त्याच्या शिखरावर होता आणि नंतर कमी झाला. कोरोनाबद्दलच्या नवीन भविष्यवाणीमुळे चिंता वाढली आहे, त्यानुसार २०३० मध्ये कोरोना पुन्हा परत येईल आणि यावेळी व्हायरस जास्त लोकांना प्रभावित करेल. तसेच त्याच्याशी लढण्यासाठीची संसाधने देखील अपुरी पडतील असं म्हटलं आहे.
कोरोना लहान मुलांवर करतोय ॲटॅक; संसर्ग झाल्यास अशी घ्या खबरदारी, करू नका 'या' चुका
सरकार आणि आरोग्य संस्था व्हायरसची उत्पत्ती, नवनवीन व्हेरिएंट आणि लसीकरण यावर लक्ष केंद्रित करत आहेत. मोठ्या संख्येने जनतेने जपानी बाबा वेंगा तत्सुकी यांची भविष्यवाणी गांभीर्याने घेण्यास सुरुवात केली आहे. #2030CovidPrediction सारखे ट्रेंड सोशल मीडियावर व्हायरल होत आहेत. YouTube, Reddit आणि X (पूर्वीचं ट्विटर) वर भविष्यवाणीचं विश्लेषण केलं जात आहे.