'नवज्योत सिंग सिद्धू म्हणजे पॉलिटिक्समधील राखी सावंत'; सिद्धूंच्या 'त्या' वक्तव्यावर आप नेत्याचा पलटवार

पंजाब काँग्रेसचे अध्यक्ष नवज्योत सिंग सिद्धू यांनी राज्यात दुसऱ्यांदाच विधानसभा निवडणूक लढवणार असलेले आम आदमी पार्टीचे नेते आणि दिल्लीचे मुख्यमंत्री अरविंद केजरीवाल यांच्यावर हल्ला चढवला होता.

आगामी काळात निवडणुका होत असलेल्या राज्यांमध्ये राजकीय वातावरण चांगलेच तापू लागले आहे. नेते मंडळी एकमेकांवर आरोप प्रत्यारोपांच्या फैरी झाडताना दिसत आहेत. सत्ताधारी आणि विरोधक यांच्यातील संघर्ष वाढू लागला आहे. जवळपास सर्वच राज्यांत हा संघर्ष बघायला मिळत आहे. शुक्रवारी असाच संघर्ष पंजाबमधील सत्ताधारी काँग्रेस आणि विरोधी पक्ष असलेल्या आम आदमी पार्टीच्या नेत्यांमध्येही दिसून आला. यात, आम आदमी पक्षाचे राघव चढ्ढा यांनी नवज्योत सिंग सिद्धू यांना पंजाबच्या राजकारणातील 'राखी सावंत' म्हटले आहे. (Congress leader Navjot singh sidhu is a Rakhi Sawant of Punjab politics aap raghav chadha)

पंजाब काँग्रेसचे अध्यक्ष नवज्योत सिंग सिद्धू यांनी राज्यात दुसऱ्यांदाच विधानसभा निवडणूक लढवणार असलेले आम आदमी पार्टीचे नेते आणि दिल्लीचे मुख्यमंत्री अरविंद केजरीवाल यांच्यावर हल्ला चढवला. सिद्धू म्हणाले, दिल्लीतही शेतकऱ्यांना निश्चित किमतीपेक्षा कमी भाव मिळत आहे. केजरीवाल सरकारने केंद्र सरकारचा खासगी मंडीचा कायदा लागू केला आहे. दिल्लीत शेतकऱ्यांना त्रास दिला जात आहे. यानंतर आम आदमी पार्टीचे प्रवक्ता आणि पक्षाचे पंजाब सह-प्रभारी राघव चड्ढा यांनी सिद्धूंवर पलटवार केला आहे.

कट्टरता जगासाठी सर्वात मोठं आव्हान; अफगाणिस्तान जिवंत उदाहरण; SCO समिटमध्ये PM मोदींचा प्रहार

राघव चड्ढा यांनी सोशल मीडियावरून नवज्योत सिंग सिद्धूंना प्रत्युत्तर दिले आहे. पंजाबच्या राजकारणातील राखी सावंत नवज्योत सिंग सिद्धू यांना कॅप्टन अमरिंदर सिंग यांच्या विरोधात सातत्याने बोलल्याबद्दल काँग्रेस हायकमांडने फटकारले आहे. यानंतर त्यांनी (सिद्धू) अरविंद केजरीवाल यांना लक्ष्य केले आहे. उद्यापर्यंत प्रतीक्षा करा, ते पुन्हा कॅप्टन अमरिंदर यांच्या विरोधात आक्रमक होतील, असे चड्ढा यांनी म्हटले आहे. 

The Rakhi Sawant of Punjab politics -Navjot Singh Sidhu- has received a scolding from Congress high command for non stop rant against Capt. Therefore today,for a change, he went after Arvind Kejriwal. Wait till tomorrow for he shall resume his diatribe against Capt with vehemence https://t.co/9SDr8js8tA

— Raghav Chadha (@raghav_chadha) September 17, 2021

राघव चड्ढांवर सिद्धूंचा निशाणा -
नवज्योत सिंग सिद्धू यांनी राघव चढ्ढा यांच्यावर पलटवार केला आहे. सिद्धू यांनी ट्विट करत म्हटले आहे, असे म्हटले जाते की मानव माकडांचा वंशज. राघव चढ्ढा यांचा उल्लेख करून ते म्हणाले, आपली बुद्धी पाहून माला विश्वास आहे, की तुम्ही आता त्यांचे वंशज आहात. सिद्धू पुढे म्हणाले, आपण अद्यापही आपल्या सरकारच्या वतीने कृषी कायदे अधिसूचित करण्यासंदर्भात माझ्या प्रश्नाचे उत्तर दिलेले नाही.

They say man descended from the apes and the monkeys, Looking at your mind @raghav_chadha I believe you are still descending ! You still haven’t answered my question about notifying the Farm Laws by your Government.

— Navjot Singh Sidhu (@sherryontopp) September 17, 2021