नवी दिल्ली: नागरिकत्व सुधारणा विधेयक राज्यसभेत मंजूर झाल्यानं पंतप्रधान नरेंद्र मोदींनी आनंद व्यक्त केला आहे. परवा लोकसभेत संमत झालेल्या नागरिकत्व सुधारणा विधेयकावर आज राज्यसभेत मतदान झालं. राज्यसभेत १२५ खासदारांनी विधेयकाच्या बाजूनं, तर १०५ खासदारांनी विरोधात मतदान केलं. त्यामुळे मोदी सरकारच्या महत्त्वाकांक्षी विधेयकाचं कायद्यात रुपांतर होण्याचा मार्ग मोकळा झाला आहे.राज्यसभेत विधेयक मंजूर झाल्यानंतर पंतप्रधान नरेंद्र मोदींनी ट्विट केलं. 'आपल्या देशाच्या बंधुभावाच्या दृष्टीनं आजचा दिवस अतिशय महत्त्वाचा आहे. नागरिकत्व सुधारणा विधेयक राज्यसभेत मंजूर झाल्याचा आनंद आहे. या विधेयकाच्या बाजूनं मतदान करणाऱ्या सर्व खासदारांचे मी आभार मानतो. यामुळे कित्येक वर्षांपासून अत्याचार सहन करणाऱ्या अनेकांना दिलासा मिळेल,' असं मोदींनी ट्विटमध्ये म्हटलं आहे.
Citizenship Amendment Bill: आजचा दिवस ऐतिहासिक; आता कित्येक पीडितांना दिलासा मिळेल- मोदी
By ऑनलाइन लोकमत | Published: December 11, 2019 9:51 PM