Chandrayaan 2 : देशाचा पाठिंबा आणि पंतप्रधानांच्या भाषणामुळे शास्त्रज्ञांचे मनोधैर्य उंचावले - सिवन  

देशाचा पाठिंबा आणि पंतप्रधान नरेंद्र मोदींचे भाषण यामुळे शास्त्रज्ञांचं मनोधैर्य उंचावल्याचं सिवन यांनी सांगितलं.

ठळक मुद्देदेशाचा पाठिंबा आणि पंतप्रधान नरेंद्र मोदींचे भाषण यामुळे शास्त्रज्ञांचं मनोधैर्य उंचावल्याचं सिवन यांनी सांगितलं.इस्रो प्रमुख के. सिवन भावूक झाले होते. त्यावेळी पंतप्रधान मोदींनी त्यांना जवळ घेत मिठी मारली.पंतप्रधानांचं एक वेगळं रूप आम्हाला पाहायला मिळाल्याचं सिवन यांनी पीटीआयला दिलेल्या माहितीत म्हटलं आहे.

नवी दिल्ली - लँडर विक्रमचं स्थान समजलं असल्याची माहिती इस्रोचे प्रमुख के. सिवन यांनी रविवारी दिली. चंद्राभोवती फिरणाऱ्या ऑर्बिटरने विक्रमचा फोटो पाठवला आहे. मात्र अद्याप विक्रमशी संपर्क झालेला नाही, असं सिवन यांनी सांगितलं. तसेच देशाचा पाठिंबा आणि पंतप्रधान नरेंद्र मोदींचे भाषण यामुळे शास्त्रज्ञांचं मनोधैर्य उंचावल्याचं सिवन यांनी सांगितलं. देशाच्या प्रगतीमध्ये शास्त्रज्ञांचं योगदान अफाट आहे, जे कोणीच विसरू शकणार नाही असं म्हणत पंतप्रधान मोदींनी सर्व शास्त्रज्ञांचं मनोबल वाढवण्याचा प्रयत्न केला. विज्ञानात प्रयोग असतात, अपयश नाही असं पंतप्रधानांनी म्हटलं. इस्रो प्रमुख के. सिवन भावूक झाले होते. त्यावेळी पंतप्रधान मोदींनी त्यांना जवळ घेत मिठी मारली आणि धीर दिला होता.

सिवन यांनी 'विक्रम’ चंद्रावर अलगद उतरू न शकल्याचे कळल्यावरही पंतप्रधान नरेंद्र मोदी यांनी दिलेला धीर व देशभरातून व्यक्त होत असलेल्या पाठिंब्याने ‘इस्रो’मधील वैज्ञानिकांना नवा हुरूप आला आहे' असं म्हटलं आहे. तसेच देशाने आम्हाला चांगला व सकारात्मक पाठिंबा दिला. पंतप्रधानांचं एक वेगळं रूप आम्हाला पाहायला मिळाल्याचं सिवन यांनी पीटीआयला दिलेल्या माहितीत म्हटलं आहे.

Chandrayaan 2: विक्रम लँडरचं स्थान समजलं, संपर्क साधण्याचे प्रयत्न सुरू- सिवन https://t.co/EVOf13iDCS#Chandrayaan2

— Lokmat (@MiLOKMAT) September 8, 2019

'इस्रो' चं 'नासा' कडूनही कौतुक झालं आहे. ‘नासा’ या अमेरिकेच्या अंतराळ संशोधन संस्थेने कौतुक करताना म्हटले की, अवकाशातील कामगिरी कठीणच असते. चांद्रयान-2 मोहिमेत ‘इस्रो’ने केलेला प्रयत्न वाखाणण्याजोगा आहे व त्याने आम्हालाही स्फूर्ती मिळाली आहे. नासाने म्हटले की, आपण दोघे मिळून सौरमंडळाचा आणखी शोध घेण्याची संधी मिळेल, याची आम्हाला आतुरतेने प्रतिक्षा आहे. 'इस्रो' चे माजी प्रमुख डॉ. के. कस्तुरीरंगन म्हणाले की, पंतप्रधान आणि देशवासीय ठामपणे पाठिशी उभे राहिल्याने आम्ही सर्वच भारावून गेलो आहोत. त्या क्षणाला आम्ही याची कल्पनाही केली नव्हती. 

पिक्चर अभी बाकी है; विक्रम लँडरचं ठिकाण समजताच उंचावल्या नेटकऱ्यांच्या आशा #VikramLanderFound#Chandrayaan2https://t.co/PjCPGgAmKu

— Lokmat (@MiLOKMAT) September 8, 2019

चांद्रयान 2 ऑर्बिटरनं लँडर विक्रमचा फोटो पाठवला आहे. त्यामुळे लँडरचं स्थान समजलं आहे. आता विक्रमशी संपर्क साधण्याचे प्रयत्न सुरू आहेत, असं सिवन म्हणाले. चंद्राची परिक्रमा करणाऱ्या ऑर्बिटरनं रविवारी विक्रमची थर्मल इमेज पाठवली आहे. त्यामुळे विक्रमच्या स्थानाची माहिती समजू शकली आहे, असं सिवन यांनी 'इंडिया टुडे'ला दिलेल्या मुलाखतीत म्हटलं आहे. इस्रोला अद्याप विक्रमशी संपर्क साधता आलेला नाही. त्यासाठीचे प्रयत्न सुरू आहेत, अशी माहिती सिवन यांनी दिली. पुढील 14 दिवस विक्रम लँडरशी संपर्क साधण्याचा प्रयत्न केला जाईल आणि ऑर्बिटरकडून मिळणारी माहिती अतिशय महत्त्वाची असेल, असं इस्रोकडून सांगण्यात आलं आहे. 

चंद्रावर उतरण्यासाठी केवळ दोन किलोमीटरचं अंतर शिल्लक असताना विक्रम लँडरचा संपर्क तुटला. विक्रम लँडरचे चंद्रापासून 2.1 किलोमीटर अंतरावर असताना त्याचं काम व्यवस्थित सुरू होतं. त्यानंतर विक्रम लँडरचा इस्रोबत असलेला संपर्क तुटला. सध्या या घटनेचं विश्लेषण इस्त्रोकडून सुरू आहे. चांद्रयान-2 मोहीम जवळपास 95 टक्के यशस्वी झाली आहे. चंद्रयान-2 चा ऑर्बिटर जवळपास 7.5 वर्षापर्यंत काम करु शकतो. तसंच, गगनयानसह इस्रोच्या अन्य अंतराळ मोहिमादेखील वेळेतच पूर्ण होणार असल्याची माहिती इस्रोकडून देण्यात आली आहे.