नव्या पाहुण्याला घेऊन घरी निघालेलं कुटुंब वाटेतचं संपलं; दोन दिवसांच्या चिमुकल्यासह चौघांचा मृत्यू

उत्तराखंडमध्ये अनियंत्रित कार कालव्यात कोसळून चौघांचा मृत्यू झाला.

Haldwani Accident:उत्तराखंडमधून एक हृदयद्रावक बातमी समोर आली आहे. बुधवारी सकाळी हल्द्वानी येथे झालेल्या एका भीषण अपघातात नवजात बाळासह चार जणांचा मृत्यू झाला. नवीन मंडी कडून यूओयूकडे जाणाऱ्या एका कारचे नियंत्रण सुटले आणि ती पाण्याने भरलेल्या कालव्यात पडली. या दुर्घटनेत एकाच कुटुंबातील चौघांचा मृत्यू झाला असून दोघे गभीर जखमी आहेत. बऱ्याच प्रयत्नानंतर गाडी कालव्यातून बाहेर काढण्यात आली. कारचा चुराडा झाला होता.

उत्तराखंडमधील हल्द्वानी जिल्ह्यात कार अनियंत्रित होऊन कालव्यात पडली. कारमधील चार जणांचा मृत्यू झाला. स्थानिक लोकांनी माहिती दिल्यानंतर  पोहोचलेल्या पोलिसांनी मृतदेह कालव्यातून काढून शवविच्छेदनासाठी पाठवले आहेत. जखमींना उपचारासाठी रुग्णालयात दाखल करण्यात आले आहे. या अपघातात दोन दिवसांच्या नवजात शिशु आणि त्याच्या वडिलांसह चार जणांचा मृत्यू झाला. तर चालकासह दोघे गंभीर जखमी झाले. या अपघातातून गाडीत प्रवास करणारी महिला बचावली, पण दोन दिवसांपूर्वी जन्मलेल्या तिच्या मुलाला वाचवता आले नाही. तिच्या पतीचाही मृत्यू झाला. 

किच्छा यूएस नगरमध्ये राहणाऱ्या एका कुटुंबातील एका गर्भवती महिलेने सोमवारी एका नवजात बाळाला जन्म दिला होता. बुधवारी, महिलेचा पती, आई आणि दीर तिला आणि नवजात बाळाला घरी घेऊन जाण्यासाठी कारमधून आले होते. सात वाजता संपूर्ण कुटुंब गाडीने किच्छा येथे निघाले. अग्निशमन केंद्रासमोरील वळणाजवळ ५०० मीटर पुढे गेल्यानंतर, गाडी अनियंत्रित झाली आणि ती भरुन वाहणाऱ्या कालव्यात पडली. या अपघातात नवजात बाळ, त्याचे वडील, आजी आणि काका यांचा मृत्यू झाला. तर दोन जण जखमी झाले.

VIDEO | Haldwani: Tragedy strikes as a car carrying seven people, including a newborn, plunges into an overflowing canal amid heavy rainfall. Four dead including a four-day-old infant, two women, and a man, while three others were injured.
Rescue teams pulled the car from under… pic.twitter.com/r2fgGtM5Nh

— Press Trust of India (@PTI_News) June 25, 2025

दरम्यान, अग्निशमन केंद्राच्या मागे घडलेल्या या घटनेनंतर अग्निशमन कर्मचाऱ्यांनी तात्काळ बचाव कार्य सुरू केले. या दरम्यान, कालव्याच्या प्रवाहात अग्निशमन दलाचा एक कर्मचारी वाहून गेला, मात्र त्याने कार चालकाला वाचवले आणि स्वतःचाही जीव वाचवला. मृतांची ओळख पटल्यानंतर त्यांच्या कुटुंबियांना याची माहिती देण्यात आली आहे.