Video: ऑन कॅमेरा उपमुख्यमंत्री अन् आमदारात खडाजंगी; एकमेकांवर वाहिली शिव्यांची लाखोळी...

Bihar Assembly Election 2025 : बिहारच्या लखीसरायमध्ये मतदानादरम्यान गोंधळ; उपमुख्यमंत्र्यांच्या वाहनावर शेण आणि दगडफेक!

Bihar Assembly Election 2025 : बिहारमध्ये आज पहिल्या टप्प्यातील मतदान पार पडले. मात्र, आजच्या दिवसभरात राज्यातील अनेक ठिकाणी प्रचंड गोंधळ उडाला. लखीसराय जिल्ह्यात तर चक्क राज्याचे उपमुख्यमंत्री आणि भाजप उमेदवार विजय कुमार सिन्हा यांच्या वाहनावर आरजेडी समर्थकांनी शेण आणि दगडफेक केली. यादरम्यान, सिन्हा आणि आरजेडीचे विधान परिषदेचे आमदार अजय सिंह यांच्यात जोरदार खडाजंगी झाली. दोघांनी एकमेकांवर एकमेकांनी शिव्यांची लाखोळी वाहिली. शेवटी पोलिसांना मध्यस्थी करावी लागली. 

A dramatic public spat unfolded on the streets of Patna, Bihar, when Rashtriya Janata Dal (RJD) MLC Ajay Kumar Singh and Bihar's Deputy Chief Minister Vijay Kumar Sinha (from BJP) locked horns in a heated verbal—and nearly physical—exchange pic.twitter.com/3rTCW1D5Z5

— NextMinute News (@nextminutenews7) November 6, 2025

मतदानादरम्यान उपमुख्यमंत्र्यांवर हल्ला

मिळालेल्या माहितीनुसार, विजय सिन्हा यांना माहिती मिळाली होती की, नदियावां भागात त्यांच्या समर्थकांना मतदान करण्यापासून रोखले जात आहे. त्यानंतर ते स्वतः परिस्थिती जाणून घेण्यासाठी तेथे पोहोचले असता, काही आरजेडी समर्थक संतप्त झाले आणि त्यांनी वाहनावर दगड व शेण फेकले. यावेळी आरजेडीचे अजय सिंह घटनास्थळी पोहोचले. दोघांमध्ये कॅमेऱ्यासमोरच तीव्र वाद झाला.

अजय सिंह दारू प्यायले...

विजय कुमार सिन्हा यांनी अजय सिंह यांच्यावर दारू प्यायल्याचा आरोप केला, तर अजय सिंह यांनी हा आरोप फेटाळला. पोलिसांनी हस्तक्षेप करुन परिस्थिती शांत केली आणि मतदान प्रक्रिया पुन्हा सुरू करण्यात आली. मात्र, घटनेनंतर परिसरात तणावपूर्ण वातावरण निर्माण झाले आहे.

#WATCH | Lakhisarai, Bihar | Deputy CM Vijay Kumar Sinha says, "RJD MLC Ajay Singh and Sujeet Kumar, who joined the Congress from the JDU, came to this village and were causing a disturbance. They were here for two hours. The administration, in cooperation with them, brutally… https://t.co/KJjyworC3Ipic.twitter.com/6Br1pl2DeZ

— ANI (@ANI) November 6, 2025

राजदचे गुंडे मतदारांना धमकावत आहेत

सिन्हा यांनी राजदवर गंभीर आरोप केले आहेत. त्यांचे म्हणणे आहे की, राजदचे कार्यकर्ते आणि गुंडे मतदारांना घाबरवून मतदानापासून रोखत आहेत. त्यांनी सांगितले की, त्यांच्या ताफ्यावर दगड, चप्पल आणि शेण फेकण्यात आले. त्याशिवाय बूथ क्रमांक 404 आणि 405 येथे अतिमागास वर्गातील मतदारांना धमकावून हाकलून लावण्यात आल्याचा दावाही त्यांनी केला.

पोलिस अधीक्षकांवरही टीका

विजय सिन्हा यांनी लखीसरायचे पोलिस अधीक्षक यांच्याही भूमिकेवर प्रश्नचिन्ह उपस्थित केले. ते म्हणाले की, प्रशासनाने योग्य ती कारवाई केली नाही.