Video - हाण की बडीव! २ महिला अधिकारी ऑफिसमध्ये भिडल्या, एकमेकींच्या झिंज्या उपटल्या अन्...

एक संतापजनक घटना समोर आली आहे. सरकारी कामादरम्यान दोन महिला कर्मचारी आपापसात भिडल्या.

उत्तर प्रदेशातील बलिया येथून एक संतापजनक घटना समोर आली आहे. सरकारी कामादरम्यान दोन महिला कर्मचारी आपापसात भिडल्या. ही घटना भृगु आश्रम येथील कंपोझिट स्कूलमधील असल्याचं सांगण्यात येत आहे. 'SIR' संदर्भात एक महत्त्वाची बैठक सुरू होती, मात्र पाहता पाहता या बैठकीचं रूपांतर हाणामारीत झालं.

सोशल मीडियावर व्हायरल होत असलेल्या व्हिडिओमध्ये दोन महिला बीएलओ (BLO) एकमेकींचे केस धरून ओढताना स्पष्ट दिसत आहेत. बराच वेळ तिथे एकमेकींना खाली पाडणं आणि लाथाबुक्क्यांनी मारहाण सुरू होती. या प्रकरणात महिला बीएलओ सुमन देवी यांनी दुसऱ्या बीएलओ नीलम सिंह यांच्यावर गंभीर आरोप केले आहेत.

यूपी के #बलिया में दो महिला BLO आपस में भिड़ गईं. दोनों में जमकर मारपीट हुई. pic.twitter.com/WDU0z4sZdz

— Sunil Upadhyay (@sunilgupadhyay) February 17, 2026

सुमन देवी यांच्या सांगण्यानुसार, त्यांना नोटीस वाटपासाठी बोलावण्यात आलं होतं. जेव्हा त्यांना जास्त नोटीस देण्यात आल्या, तेव्हा नीलम सिंह संतापल्या. त्यांचा असा आरोप आहे की, नीलम सिंह यांनी त्यांना अपमानित केलं आणि जातीवाचक शिवीगाळ केली. वाद वाढल्यानंतर नीलम सिंह यांनी सुमन देवी यांना केसाला धरून जमिनीवर आपटलं आणि फरफटत नेलं.

महिलांना चपलेने देखील एकमेकींना मारहाण केली. सुमन देवी यांनी याप्रकरणी पोलिसांत तक्रार केली आहे, मात्र अद्याप त्यांची दखल घेतली जात नसल्याचं त्यांनी सांगितलं. सरकारी कामावर असताना कर्मचाऱ्यांमध्ये झालेला हा हिंसाचार आणि जातीय अपमानाचा प्रकार पाहता, आता प्रशासन कठोर पावलं उचलणार की हे प्रकरण दाबलं जाणार, असा प्रश्न उपस्थित होत आहे.