आंध्र प्रदेशातील पूर्व गोदावरी जिल्ह्यातून एक काळजाचा थरकाप उडवणारी घटना समोर आली आहे. कथितरीत्या भेसळयुक्त दूध प्यायल्यामुळे तब्बल १३ लोकांचा मृत्यू झाला आहे, तर ११ जणांची प्रकृती अद्याप गंभीर आहे. या भीषण प्रकारामुळे संपूर्ण राज्यात खळबळ उडाली असून अन्न सुरक्षा विभागाने चौकशीचे आदेश दिले आहेत.
मिळालेल्या माहितीनुसार, पूर्व गोदावरी जिल्ह्यातील कोरुकोंडा मंडल क्षेत्रातील एका गावात ही घटना घडली. २२ फेब्रुवारीच्या सुमारास काही वृद्धांना उलट्या, पोटदुखी आणि लघवी होण्यास त्रास होऊ लागला. प्राथमिक तपासात या रुग्णांच्या किडनीमध्ये गंभीर समस्या निर्माण झाल्याचे दिसून आले, ज्यासाठी तातडीने डायलिसिसची गरज भासली. अधिक तपास केला असता, या सर्वांनी एकाच डेयरीतून दूध खरेदी केल्याचे समोर आले.
दुधामध्ये युरियाची भेसळ?अन्न सुरक्षा विभागाने 'वरलक्ष्मी मिल्क डेयरी'तून दुधाचे नमुने गोळा केले होते. तपासणीत या दुधामध्ये भेसळ असल्याचे सिद्ध झाले आहे. बाधितांच्या रक्त आणि लघवीच्या चाचणीत युरिया आणि सीरम क्रिएटिनिनचे प्रमाण धोकादायक पातळीवर आढळले आहे. या डेयरीने परिसरातील सुमारे १०६ कुटुंबांना दूध पुरवठा केला होता.
प्रशासनाची कारवाईसंबंधित डेयरी युनिट तात्काळ सील करण्यात आले आहे. संशयित आरोपी अड्डाला गणेश्वरराव याला पोलिसांनी ताब्यात घेतले आहे.बाधित भागात आपत्कालीन वैद्यकीय शिबिरे लावण्यात आली असून रॅपिड रिस्पॉन्स टीम तैनात केली आहे. या घटनेनंतर केवळ आंध्र प्रदेशच नव्हे, तर शेजारील तेलंगणा राज्यातही दुध डेअरींची तपासणी मोहीम तीव्र करण्यात आली आहे.
Web Summary : Thirteen people died and eleven are critically ill in Andhra Pradesh after consuming adulterated milk. Investigations revealed urea contamination in milk supplied by a dairy. The dairy has been sealed, the owner arrested, and medical camps are set up in the affected area.
Web Summary : आंध्र प्रदेश में मिलावटी दूध पीने से 13 लोगों की मौत हो गई और 11 गंभीर रूप से बीमार हैं। जांच में एक डेयरी द्वारा आपूर्ति किए गए दूध में यूरिया की मिलावट पाई गई। डेयरी सील, मालिक गिरफ्तार, प्रभावित क्षेत्र में मेडिकल कैंप लगाए गए।