Air India Plane Crash: वडिलांचा व्यवसाय सांभाळण्यासाठी केले होते MBA; विमान अपघातात भाऊ-बहिणीचा दुर्दैवी मृत्यू

या अपघाताची माहिती मिळताच पिंकू मोदी यांचं कुटुंब अहमदाबादला रवाना झाले आहे.

अहमदाबाद - गुरुवारी सकाळी गुजरातच्या अहमदाबाद विमानतळावरून उड्डाण घेतलेले एअर इंडियाचे विमान कोसळून मोठी दुर्घटना घडली. या अपघातात उदयपूर येथील चौघे प्रवासी होते. त्यात उदयपूर येथील मार्बल व्यावसायिक पिंकू मोदी यांचा २४ वर्षीय मुलगा शुभ आणि २२ वर्षीय मुलगी शगुन मोदी प्रवास करत होते. त्याशिवाय रुंडेडा गावातील चंद मेनारिया आणि प्रकाश मेनारिया हेदेखील अहमदाबादहून लंडनला जात होते. या अपघाताची माहिती मिळताच पिंकू मोदी यांचं कुटुंब अहमदाबादला रवाना झाले आहे.

कोण आहे शुभ मोदी आणि शगुन मोदी?

शुभ मोदी आणि शगुन मोदी हे दोघेही उदयपूर मार्बल व्यावसायिक पिंकू मोदी यांची मुले आहेत. या दोन्ही भाऊ बहिणीने त्यांचे एमबीएचे शिक्षण पूर्ण केले. त्यानंतर वडिलांच्या व्यवसायात ते मदत करत होते. माहितीनुसार, दोघे भाऊ बहीण फिरण्यासाठी लंडनला जात होते. जिथे ते एका मित्राच्या घरी थांबणार होते. मात्र दुर्देवाने या विमान अपघातात पिंकू मोदी यांच्या दोन्ही मुलांचा मृत्यू झाला आहे. शुभ आणि शगुन यांचे नाव प्रवासी यादीत ९८, ९९ या सीट क्रमांकावर दाखवले आहे. 

Air India B787 Aircraft VT-ANB, while operating flight AI-171 from (Ahmedabad to Gatwick) has crashed immediately after takeoff from Ahmedabad. There were 242 people on board the aircraft, consisting of 2 pilots and 10 cabin crew. The aircraft was under the command of Capt Sumeet… pic.twitter.com/Dzj9voqKoI

— ANI (@ANI) June 12, 2025

मेनारिया कुटुंबातील लोकही विमानात होते

याच दुर्घटनाग्रस्त फ्लाईटमध्ये उदयपूर जिल्ह्यातील रुंडेडा गावातील चंद मेनारिया आणि प्रकाश मेनारिया प्रवास करत होते. हे दोघे लंडनमध्ये शेफ म्हणून काम करत होते. कामावर परतण्यासाठी आज ते अहमदाबादहून लंडनला जात होते. त्यांचाही अपघात मृत्यू झाल्याचा अंदाज आहे. 

"कुणाच्याही वाचण्याची शक्यता कमी"

दरम्यान, ही दुर्घटना इतकी भयंकर आहे की या अपघातातून कुणीही वाचण्याची शक्यता फार कमी आहे. काही जखमींवर रुग्णालयात उपचार सुरू आहेत परंतु त्यांची प्रकृती चिंताजनक आहे. त्यांचे वाचणे कठीण आहे. सध्या घटनास्थळी रेस्क्यू ऑपरेशन सुरू आहे. ढिगारा हटवण्याचे काम आणि आगीवर नियंत्रण मिळवणे आव्हानात्मक असल्याचे अहमदाबाद पोलीस आयु्क्त जी.एस मलिक यांनी सांगितले.