Air India Plane Crash: विजय रुपाणींचा हा खरंच अपघातापूर्वीचा फोटो आहे का? जाणून घ्या सत्य
By ऑनलाइन लोकमत | Updated: June 12, 2025 21:01 IST2025-06-12T20:58:53+5:302025-06-12T21:01:17+5:30
Vijay Rupani Plane Crash Dead: एअर इंडियाच्या विमानाचा अपघात झाल्यापासून एक फोटो व्हायरल होतोय. हा फोटो आहे गुजरातचे माजी मुख्यमंत्री विजय रुपाणी यांचा. पण, हा फोटो खरंच अपघात होण्यापूर्वी काढलेला आहे का?
Air India Plane Crash: विजय रुपाणींचा हा खरंच अपघातापूर्वीचा फोटो आहे का? जाणून घ्या सत्य
Plane Crash News: एअर इंडियाचे विमान अहमदाबादमध्ये कोसळले. या विमानात गुजरातचे माजी मुख्यमंत्री विजय रुपाणीही आहेत, अशी माहिती समोर आली. त्यानंतर एक फोटो सोशल मीडियावर व्हायरला झाला. विजय रुपाणी पाठिमागे बसलेले आहेत आणि महिलेने सेल्फी फोटो काढला. पण, जो दावा या फोटोबद्दल केला जात आहे, तो खरा नाही.
'लोकमत'चं WhatsApp चॅनल फॉलो करा!
इंडिया टुडेने या फोटोची ज्यावेळी सत्यता पडताळली, तेव्हा वेगळीच माहिती समोर आली. जो दावा या फोटोबद्दल केला जात आहे, तो खोटा असल्याचे स्पष्ट झाले.
विजय रुपाणींचा व्हायरल होत असलेला फोटो
Last Pic of Vijay Rupani !! pic.twitter.com/LCCvAB7dp5
— Times Algebra (@TimesAlgebraIND) June 12, 2025
विजय रुपाणांच्या फोटोबद्दल सत्य काय?
इंडिया टुडेने या फोटोची सत्यता पडताळणी केली. यात हा फोटो अपघात होण्यापूर्वीचा नसल्याचे समोर आले. विजय रुपाणी यांचा हा फोटो ऑक्टोबर २०२१ मधील आहे. ज्या महिलेने हा सेल्फी काढला आहे, त्या महिलेशी इंडिया टुडेने संपर्क केला होता आणि या फोटोबद्दल खात्री करून घेतली. फोटोत दिसणाऱ्या महिलेने हा फोटो २०२१ मधील असल्याचे सांगितले.
वाचा >>मृतांच्या कुटुंबीयांना 'टाटा'चा आर्थिक आधार! प्रत्येकी एक कोटी देणार, चंद्रशेखरन काय म्हणाले?
विजय रुपाणी यांचा मृत्यू
एअर इंडियाच्या विमान अपघातात मरण पावलेल्यांमध्ये माजी मुख्यमंत्री विजय रुपाणी यांचाही समावेश आहे. विजय रुपाणी हे लंडनला निघाले होते. त्यांची मुलगी लंडनमध्ये राहते. त्यांची पत्नी काही दिवसांपूर्वी लंडनला गेली होती आणि गुरुवारी (१२ जून) तेही भेटीसाठी लंडनला निघाले होते.
२०४ मृतदेह काढले बाहेर, ४१ जणांवर उपचार सुरू
पोलिसांनी दिलेल्या माहितीनुसार विमानातील २४० जणांचा मृत्यू झाला आहे. आतापर्यंत २०४ मृतदेह बाहेर काढण्यात आले असून, मृतदेह पूर्णपणे जळलेल्या अवस्थेत आहे. काही मृतदेहांचे शिर आणि इतर अवयव तुटले गेले आहेत. या सगळ्यांची ओळख पटवण्यासाठी डीएनए चाचणी केली जाणार आहे. पोलीस आयुक्ती दिलेल्या माहितीनुसार ४१ जखमींवर सध्या रुग्णालयात उपचार सुरू आहेत.