जमिनीवर असलेल्या त्या वस्तूमुळे भीषण विमान अपघातात वाचले विश्वास कुमारचे प्राण, काय होतं ते?

Ahmedabad Plane Crash: गेल्या आठवड्यात अहमदाबाद येथे झालेल्या भीषण विमान अपघातात विमानातील प्रवासी आणि कर्मचारी आणि इतर अशा मिळून २७५ हून अधिक जणांचा मृत्यू झाला होता. मात्र या भयंकर अपघातात विमानातून प्रवास करत असलेल्या विश्वास कुमार नावाच्या एका प्रवाशाचे प्राण मात्र आश्चर्यकारकरीत्या वाचले होते.

गेल्या आठवड्यात अहमदाबाद येथे झालेल्या भीषण विमान अपघातात विमानातील प्रवासी आणि कर्मचारी आणि इतर अशा मिळून २७५ हून अधिक जणांचा मृत्यू झाला होता. मात्र या भयंकर अपघातात विमानातून प्रवास करत असलेल्या विश्वास कुमार नावाच्या एका प्रवाशाचे प्राण मात्र आश्चर्यकारकरीत्या वाचले होते. त्यामुळे हा प्रवासी सध्या जगभरात चर्चेचा विषय ठरला आहे. तसेच तो कसा वाचला असावा, याबाबत वेगवेगळ तर्क लढवले जात आहेत. तसेच विविध दावेही केले जात आहेत. दरम्यान, ब्रिटिश नागरिक असलेल्या आणि मूळच्या दीव येथील असलेल्या विश्वास कुमार याच्यासाठी या भयानक अपघातात प्राणरक्षक ठरलेल्या जमिनीवरील त्या वस्तूबाबतची माहिती आता समोर आली आहे. 

अहमदाबादमधील या अपघातात विश्वास कुमार हा चमत्कारिकरीत्या बचावला होता. मात्र त्याचा भाऊ या अपघातात मृत्युमुखी पडला होती. विश्वास कुमार याला आता रुग्णालयातून उपचार करून सोडण्यात आले आहे. त्याने तपास अधिकाऱ्यांना सांगितले की, मी ज्या ११ ए क्रमांकाच्या सीजवर बसलो होतो तिच्या जवळ आपातकालिन दरवाजा होता. तसेच विमानाला अपघात झाल्यावर माझी सीट निखळली आणि बाहेर पडली. त्यानंतर जे काही घडलं तो देवाचा एक चमत्कार होता. अपघातानंतर निखळलेली ही सिट मातीच्या एका ढिगाऱ्यावर पडली. ही भुसभुशीत माती हॉस्टेल आणि मेसच्या इमारतीदरम्यान गोळा करून ठेवण्यात आली होती.

आश्चर्याची बाब म्हणजे ही माती तिथे जाणीवपूर्वक ठेवण्यात आली होती. विश्वास कुमार हे ज्या मातीच्या ढिगाऱ्यावर सिट आणि इतर तुकड्यांसह कोसळले होते. ती माती तिथे एक लँडस्केप तयार करण्यासाठी ठेवण्यात आली होती. अनेक दिवसांपासून या परिसराच्या दुरुस्तीचं काम सुरू होतं. या पसरलेल्या मातीच्या ढिगाऱ्यामुळेच विश्वास याला अधिक दुखापत झाली नाही.

विश्वास कुमार यांनी तपास अधिकाऱ्यांना सांगितले की, सुरुवातीला मला वाटलं की माझा मृत्यू झाला आहे. मात्र तेवढ्यात विमानाच्या ट्युब असलेल्या भागात फट असल्याचे मला दिसले. मी सिटबेल्ट उघडली आणि पायांनी धक्का देत पुढे जात राहिलो. त्यानंतर उठून आगीपासून दूर गेलो. पुढे काय झालं हे लोकांच्या व्हिडीओमध्ये रेकॉर्ड झालं आहे.