Ahmedabad Plane Crash: विमानाने टेक ऑफ केले अन् काही वेळात क्रॅश झाले; त्या ८ मिनिटांत नेमके काय झाले?

Ahmedabad Plane Crash: अहमदाबाद येथे एअर इंडियाच्या विमानाचा अपघात झाला असून या विमानात २४२ लोक प्रवास करत होते.

Ahmedabad Plane Crash: आज गुजरातमधील अहमदाबादमध्ये एअर इंडियाच्या विमानाचा अपघात झाला. हे विमान लंडनसाठी निघाले होते, या विमानामध्ये २४२ लोक असल्याची माहिती समोर आली आहे. दरम्यान, बचावकार्य सुरू आहे. एका इमारतीवर हे विमान कोसळले. या अपघाताने संपूर्ण देश हादरला. विमानात २३० प्रवासी आणि २ वैमानिकांसह १२ क्रू मेंबर्सचा समावेश होता. 

विमानतळावरुन विमानाने टेक ऑफ केल्यानंतर ८ मिनिटांत विमान कोसळले. हे विमान ज्या भागात कोसळले तो रहिवासी भाग होता. बीजे मेडिकल कॉलेजच्या हॉस्टेलवर पहिले विमान धडकले.यामुळे मृतांची संख्या वाढण्याची शक्यता आहे. या विमानातून गुजरातचे माजी मुख्यमंत्री विजय रुपाणी देखील होते.

विजय रुपाणींचा विमानात बसलेला फोटो समोर आला; पंतप्रधान नरेंद्र मोदी अहमदाबादकडे रवाना

८ मिनिटांत नेमकं काय घडलं?

हे एअर इंडियाचे बोईंग 787 ड्रीमलायनर एक मोठे विमान आहे. हे ११ वर्षे जुने विमान आहे. गुरुवारी दुपारी १:३० वाजता उड्डाण करण्यापूर्वी ते धावपट्टीच्या मध्यभागी होते. दुपारी १:३८ वाजता विमान धावपट्टीच्या शेवटी होते. विमानाने उड्डाण केले होते. विमानाने उड्डाण घेतले आणि समुद्रसपाटीपासून ६२५ फूट उंचीवर सिग्नल गमावला. विमानतळ समुद्रसपाटीपासून सुमारे २०० फूट उंचीवर आहे, म्हणजेच विमान विमानतळापासून सुमारे ४०० फूट उंचीवर उड्डाण केले. विमानाचा सिग्नल सुमारे ८ मिनिटे सक्रिय राहिला आणि दुपारी १:३९ वाजता विमान कोसळले.

विमान उंचीवर असते तर वाचण्यासाठी वेळ मिळाला असता

हे विमान समुद्रसपाटीपासून सुमारे ६२५ फूट उंचीवर होते, जर ते ३५००० फूट उंचीवर असते तर क्रू मेंबर्सना परिस्थिती हाताळण्यासाठी अधिक वेळ मिळाला असता. विमानात सुमारे ५२ ब्रिटिश, ७ पोर्तुगीज आणि एक कॅनेडियन नागरिक होते. पण या अपघातात पायलटला फक्त एक मिनिटाचा वेळ मिळाला.

लँडिंग गियर व्यवस्थित बंद झाले नसावे. कारण एक चाक इमारतीत अडकलेले दिसत आहे. याचा अर्थ असा की विमानातील संतुलन बिघाडामुळे हा अपघात झाला असावा. चौकशीनंतरच या अपघाताची कारणे समोर येऊ शकतात.