मुख्यमंत्री सिद्धारामैय्या आणि उपमुख्यमंत्री डी.के. शिवकुमार यांच्यात मुख्यमंत्रिपदावरून तीव्र मदभेत निर्माण झाल्याने कर्नाटकमधीलकाँग्रेसचं सरकार सध्या अडचणीत आलेलं आहे. दोन्ही बाजूंनी होत असलेल्या शाब्दिक हल्ल्यांमुळे तवाण अधिकच वाढत होता. दरम्यान, दिल्लीतील हायकमांड आणि पक्षनेतृत्वाने हस्तक्षेप केल्यानंतर हा वाद आता निवळण्याची चिन्हे दिसत आहेत. तसेच आज सकाळी मुख्यमंत्री सिद्दारामैय्या आणि उपमुख्यमंत्री डी.के शिवकुमार यांची बंगळुरूमध्ये भेट झाली. दोन्ही नेत्यांनी मुख्यमंत्र्यांच्या निवासस्थानी भेट घेत ब्रेकफास्ट केला.
सिद्धारामैय्या आणि शिवकुमार यांच्यातील वादावर प्रतिक्रिया देताना कर्नाटक सरकारमधील मंत्री प्रियांक खर्गे यांनी सांगितले की, काँग्रेसने योग्यवेळी हस्तक्षेप करून परिस्थिती सावरली आहे. तर हायकमांडकडून नेतृत्व परिवर्तनाबाबत कुठलेही दिशानिर्देश मिळालेले नाहीत, असे मुख्यमंत्री सिद्धारामैय्या यांचे पुत्र यतिंद्र सिद्धारामैय्या यांनी स्पष्ट केले आहे. त्यामुळे सध्यातरी कर्नाटकमध्ये मुख्यमंत्री बदलाचा कुठलाही निर्णय झालेला नाही, हे स्पष्ट होत आहे.
कर्नाटकचे मुख्यमंत्री सिद्धारामैय्या यांनी जे पक्ष सांगेल ते मी करणार आहे, असे स्पष्टपणे सांगितले आहे. तर सिद्धारामैय्या यांची भेट घेतल्यानंतर आता डी. के. शिवकुमार हे दिल्लीला रवाना होणार आहेत. शिवकुमार हे आज दुपारी दिल्लीला जाण्याची शक्यता असून, संध्याकाळी ते मेकदातू योजनेबाबत होणाऱ्या एका महत्त्वपूर्ण बैठकीत सहभागी होणार आहेत. तर मुख्यमंत्री सिद्धारामैय्या हे काँग्रेसच्या पार्टी हायकमांडकडून अधिकृतरीत्या बोलावणं आल्यानंतरच दिल्लीला जाणार आहेत.
दरम्यान, सिद्धारामैय्या आणि शिवकुमार यांच्यातील तणाव शिगेला पोहोचला असताना गुरुवारी संध्याकाळी एक महत्त्वपूर्ण घडामोड घडली होती. तसेच काँग्रेस हायकमांडचे निकटवर्तीय असलेले ज्येष्ठ नेते के.सी. वेणुगोपाल यांनी सिद्धारामैय्या आणि शिवकुमार यांना फोन करून सक्त ताकिद दिली होती. सोशल मीडियावर एकमेकांविरोधात टीकाटिप्पणी करणे ही काँग्रेसची संस्कृती नाही, दिल्लीत येण्यापूर्वी परस्परातील मतभेद मिटवा, असे वेणुगोपाल यांनी या नेत्यांना सांगितले होते. तसेच दोन्ही नेत्यांना लवकरच दिल्लीला बोलावलं जाईल आणि एकाच ठिकाणी बसून मतभेदांवर चर्चा केली जाईल, असेही वेणुगोपाल यांनी सांगितले होते. त्याबरोबरच पक्षातील ऐक्य हे सर्वात महत्त्वपूर्ण असून, अंतिम निर्णय हा पक्षाच्या हायकमांडकडून घेतला जाईल, त्यामुळे परस्परांमधील मतभेद टाळा आणि निर्णय पक्षावर सोडा असा सल्ला त्यांना देण्यात आला होता.
Web Summary : Karnataka CM Siddaramaiah and D.K. Shivakumar met for breakfast amid leadership tension. High command intervention aims to resolve differences. Further discussions in Delhi are expected to address the issues.
Web Summary : कर्नाटक के मुख्यमंत्री सिद्धारमैया और डी.के. शिवकुमार ने नेतृत्व तनाव के बीच नाश्ते पर मुलाकात की। आलाकमान के हस्तक्षेप का उद्देश्य मतभेदों को दूर करना है। मुद्दों को संबोधित करने के लिए दिल्ली में आगे की चर्चा अपेक्षित है।