ड्रग्ज आणि शस्त्रास्त्रानंतर आता 'बनावट नोटा'! पाकिस्तानचा भारताविरोधात नवा कट; अमृतसरमध्ये मोठा साठा जप्त

नोटबंदीनंतर सात वर्षांनी, पाकिस्तानची गुप्तचर संस्था आयएसआयने भारतात अडीच लाख रुपयांची बनावट नोटा पाठवल्याने सुरक्षा यंत्रणांमध्ये चिंतेचे वातावरण निर्माण झाले आहे. यापूर्वी अनेकदा हेरॉईन आणि शस्त्रे पाठवली जात असत, परंतु आता बनावट नोटांचा वाढता ओघ भारतीय अर्थव्यवस्थेसाठी एक गंभीर धोका मानला जात आहे.

पाकिस्तानची गुप्तचर संस्था आयएसआयने पाठवलेल्या अडीच लाख रुपयांच्या बनावट नोटांमुळे सुरक्षा यंत्रणांमध्ये घबराट पसरली आहे. नोव्हेंबर २०१८ मध्ये भारतात नोटाबंदी लागू झाल्यानंतर पाकिस्ताननेभारतीय हद्दीत अशा बनावट नोटा टाकण्याची ही पहिलीच वेळ आहे.

अमेरिका-इस्रायलच्या हवाई हल्ल्यांमुळे तेहरान हादरले! हुथी बंडखोरही संघर्षात उतरले; तेल अवीववर क्षेपणास्त्रे डागली 

आता भारतीय हद्दीत बनावट नोटा टाकणे हे धोकादायक मानले जात आहे. गुप्तचर संस्थेच्या एका अधिकाऱ्याने सांगितले की, भारतीय अर्थव्यवस्थेला हानी पोहोचवण्यासाठी आयएसआय पाकिस्तानच्या सीमावर्ती भागांमध्ये मोठ्या प्रमाणावर बनावट भारतीय चलन छापण्याची तयारी करत आहे. जेणेकरून या बनावट नोटा भारतात खऱ्या नोटांसोबत चलनात आणता येतील.

सुरक्षा यंत्रणेने याबाबत केंद्रीय गृह मंत्रालयाला एक अहवालही पाठवला आहे. पाकिस्तानची गुप्तचर संस्था, आयएसआय, भारतीय हद्दीत सातत्याने आयईडी, आरडीएक्स, ग्रेनेड, रॉकेट प्रोपेलेंट ग्रेनेड, पिस्तूल, काडतुसे आणि हेरॉइनचा मोठा साठा टाकत आहे. गुरुवारी रात्री, बीएसएफने घरिंदा परिसरालगतच्या भागातून अडीच लाख रुपयांचे बनावट चलन जप्त केले.