आदिवासी युवकावर लघवी करणाऱ्याच्या घरावर चालला बुलडोझर; सरकारची मोठी कारवाई
By ऑनलाइन लोकमत | Published: July 5, 2023 03:42 PM2023-07-05T15:42:31+5:302023-07-05T15:43:08+5:30
कालपासून सोशल मीडियावर एक व्हिडीओ मोठ्या प्रमाणात व्हायरल होत आहे.
आदिवासी युवकावर लघवी करणाऱ्याच्या घरावर चालला बुलडोझर; सरकारची मोठी कारवाई
Next नवी दिल्ली : कालपासून सोशल मीडियावर एक व्हिडीओ मोठ्या प्रमाणात व्हायरल होत आहे. मध्य प्रदेशात घडलेल्या एका घटनेनंतर अनेकांनी संताप व्यक्त केला. माणुसकीला काळीमा फासणारी ही अत्यंत संतापजनक घटना पाहून राज्याचे मुख्यमंत्री शिवराज सिंह चौहान यांनीही तात्काळ पोलिसांना निर्देश दिले होते. हातात सिगारेट असलेली एक मद्यधुंद व्यक्ती, पायऱ्यांवर बसलेल्या एका व्यक्तीच्या अंगावर लघवी करत असल्याचे व्हिडीओत दिसून येते. मध्य प्रदेशातील सिधी जिल्ह्यात ही घटना घडली. घटनेचा व्हिडिओ व्हायरल झाल्यानंतर आणि मुख्यमंत्र्यांच्या आदेशानंतर आता त्या विकृत व्यक्तीला अटक करण्यात आली आहे. याशिवाय आरोपीच्या घरावर बुलडोझर देखील चालवण्यात आला.
बुलडोझर कारवाई
दरम्यान, आरोपी हा भाजपा कार्यकर्ता असून अनेक नेत्यांसमवेतचे त्याचे फोटोही समोर आले आहेत. मध्य प्रदेशचे मुख्यमंत्री शिवराज सिंह चौहान यांच्या आदेशानंतर आरोपीवर अटकेची कारवाई करण्यात आली. त्यानंतर, काही तासांतच पोलिसांनी संबंधित व्यक्तीचा शोध घेऊन त्याला अटक केली. पोलिसांनी अटक केल्यानंतरही त्याच्यातील आकूडपणा चालताना दिसून येतो. प्रवेश शुक्ला असे या आरोपी व्यक्तीचे नाव असून तो आमदार केदार शुक्ला यांचा प्रतिनिधी असल्याचीही माहिती समोर आली आहे. मात्र, माझा व त्याचा संबंध नसल्याचे आमदार केदार शुक्ला यांनी स्पष्ट केले. अटकेची कारवाई झाल्यानंतर मध्य प्रदेश सरकारने आरोपीच्या घरावर बुलडोझर चालवला.
#WATCH मध्य प्रदेश: सीधी में प्रवेश शुक्ला के खिलाफ बड़ी कार्रवाई करते हुए उसके आवास पर बुलडोज़र चलाया गया।
— ANI_HindiNews (@AHindinews) July 5, 2023
प्रवेश शुक्ला द्वारा एक व्यक्ति पर पेशाब करने का वीडियो वायरल हुआ था। pic.twitter.com/9W3ah5cn9w
काँग्रेस नेते राहुल गांधी यांनीही ट्विट करुन भाजप नेत्यांवर टीका केली आहे. भाजप सत्तेच असताना आदिवासी व्यक्तींवरील अत्याचारात वाढ झाली आहे. मध्य प्रदेशातील एका व्यक्तीच्या अमानवीय कृत्यामुळे माणुसकीला काळीमा फासली गेलीय. भाजपचा आदिवासी आणि दलितांवरील असलेल्या द्वेषाचा हाच खरा चेहरा आहे, जो समोर आलाय, असेही राहुल गांधींनी म्हटले.
पायऱ्यांवर बसलेल्या व्यक्तींच्या अंगावर केली होती लघवी
सोशल मीडियावर व्हायरल होत असलेल्या या व्हिडीओत एक गरीब व्यक्ती पायऱ्यांवर बसलेली दिसत आहे. तिचे केस विस्कटलेले आहेत. निळी जीन्स आणि चेक्सचा शर्ट घातलेला एक माणूस त्याच्यासमोर उभा असल्याचे दिसते. तो सिगारेट ओढत या गरीब व्यक्तीच्या तोंडावर लघवी करत आहे. लघवी करणारा माणूस दारूच्या नशेत असल्याचे उघड झाले. एवढेच नाही, तर मद्यधुंद अवस्थेत लघवी करणारा माणूस एका भाजप नेत्याच्या जवळचा असल्याचे बोलले जात आहे.