केरळमधील महापुरात 73 जणांचा मृत्यू, मोदींची फोनवरुन विचारणा
By ऑनलाइन लोकमत | Published: August 16, 2018 12:02 PM2018-08-16T12:02:21+5:302018-08-16T12:07:56+5:30
केरळमध्ये 8 ऑगस्टपासून सुरू असलेल्या पावसामुळे हाहाकार उडाला आहे. पावसामुळे राज्यातील अनेक नद्यांना महापूर आला आहे. निसर्गाच्या या प्रकोपामुळे आतापर्यंत 73 पेक्षा अधिक जणांचा बळी गेला असून एका
केरळमधील महापुरात 73 जणांचा मृत्यू, मोदींची फोनवरुन विचारणा
कोची - केरळमध्ये 8 ऑगस्टपासून सुरू असलेल्या पावसामुळे हाहाकार उडाला आहे. पावसामुळे राज्यातील अनेक नद्यांना महापूर आला आहे. निसर्गाच्या या प्रकोपामुळे आतापर्यंत 73 पेक्षा अधिक जणांचा बळी गेला असून एका बसमध्ये 81 पर्यटक अडकल्याची माहिती आहे. या बसला चारही बाजूंनी पाण्याने वेढले आहे. तर, येथील मुसळधार पावसाचा फटका बस, रेल्वे आणि विमानसेवेलाही बसला आहे. पंतप्रधान नरेंद्र मोदी अन् गृहमंत्री राजनाथसिंह यांनीही फोन करुन केरळचे मुख्यमंत्री पिनारयी विजयन यांच्याशी पूरस्थितीबाबत संवाद साधला.
Prime Minister Narendra Modi spoke to Kerala Chief Minister Pinaryi Vijayan to discuss flood situation in the state and also asked the Defence Ministry to step up the rescue operations across the state
— ANI Digital (@ani_digital) August 16, 2018
Read @ANI Story | https://t.co/fbDRfOvgxrpic.twitter.com/zhrv12caqV
केरळमधील वायनाड, कोझीकोड, कन्नूर, कासरगोड, मलप्पुरम, पलक्कड, इदुक्की व एरनाकुलम येथे अतिवृष्टीमुळे रेड अलर्ट जारी करण्यात आला आहे. अतिदक्षतेचा इशारा म्हणून कोची येथील आंतरराष्ट्रीय विमानतळाच्या सेवा शनिवार, 18 ऑगस्टपर्यंत बंद ठेवण्यात येणार आहे. पावसामुळे येथील बहुतांश जिल्ह्यांमध्ये पुराचे पाणी शिरले आहे़ त्यामुळे हजारो लोक बेघर झाले आहेत. मदत व बचाव कार्य वेगाने सुरू आहे. कोची विमानतळानजीक असलेल्या पेरियार नदीवरील धरण अतिवृष्टीमुळे ओव्हरफ्लो झाल्याने पाणी विमानतळाच्या धावपट्टीवर आले आहे. त्यातच येथील वायंड, कोझिकोडे, कन्नूर, केसरगोडे, मलप्पूरम, पलक्कड, इडुक्की तसेच इरनाकुलम जिल्ह्यांत गुरुवारपर्यंत मुसळधार ते अतिमुसळधार पाऊस पडण्याचा अंदाज वर्तविण्यात आला आहे. शनिवारपर्यंत विमानसेवा बंद ठेवण्याचा निर्णय विमानतळ प्रशासनाने जाहीर केला आहे. कोझीकोड, इरानल स्थानकांदरम्यान दरड कोसळल्यामुळे गुरुपायर-चेन्नई एग्मोर एक्स्प्रेस, कन्याकुमारी-मुंबई सीएसएमटी एक्स्प्रेस, दिबुगढ-कन्याकुमारी विवेक एक्स्प्रेस आणि गांधीधाम-तिरुनेलवली हमसफर एक्स्प्रेस या चार गाड्या उशिराने धावत असल्याचे रेल्वे प्रशासनाने जाहीर केले.
Had a telephonic conversation with Kerala CM Pinarayi Vijayan regarding the prevailing flood situation in the state. The Centre is rushing additional NDRF teams to Kerala. We are providing all possible assistance. I am in constant touch with Kerala CM: HM Rajnath Singh pic.twitter.com/AvySfkewAZ
— ANI (@ANI) August 16, 2018
82 पर्यटक अडकले
82 tourists stranded inside a bus in Munnar. All routes are either flooded, or blocked due to mudslides. More details awaited #KeralaFloodspic.twitter.com/cBgPX2uFD8
— ANI (@ANI) August 16, 2018
12 जिल्ह्यांना मुसळधार पावसाचा फटका
12 districts in #Kerala are severely affected. These are the worse floods since 1924. I met PM, Home Minister & Def Minister y'day. Army, Navy, IAF, Coast Guard & NDRF are conducting rescue&relief ops. It is predicted that water levels will rise: Union Tourism Minister KJ Alphons pic.twitter.com/Ofw6d2WJ43
— ANI (@ANI) August 16, 2018
