नवी दिल्ली - विविध प्रकारचे कॉईन्स आणि नोटा जमवण्याचा अनेकांना छंद असतो. तुम्हालाही जर 1 रुपया, 5 रुपये आणि 10 रुपयांची नाणी जमवण्याचा छंद असेल तर आता तुमच्यासाठी एक खूशखबर आहे. कारण ही नाणी आता तुम्हाला लखपती करू शकतात. काही ई-कॉमर्स वेबसाईटनवर याचा ट्रेंड सध्या पाहायला मिळत आहे. खास नाण्यांना चांगला भाव देण्यात येत आहे. त्यामुळे घरबसल्या आता अनेकांना मालामाल होण्याची चांगली संधी मिळत आहे.
मीडिया रिपोर्टनुसार, वैष्णव देवीचा (Mata Vaishno Devi) फोटो छापण्यात आलेली 5 आणि 10 रुपयांची नाणी यासाठी अत्यंत महत्त्वाची आहेत. 2002 मध्ये अशी नाणी बाजारात आली होती. देवीचे फोटो हे 5 आणि 10 रुपयांच्या नाण्यांवर छापण्यात आले आहेत. देवीचा फोटो असल्यामुळे मार्केटमध्ये याची मागणी वाढली आहे. सर्वजण ते शुभ मानत आहेत. अशा प्रकारच्या नाण्याची ऑनलाईन विक्री करता येते. आपल्याकडे असलेली ही जुनी नाणी विकून लाखो रुपये मिळवण्याची सुवर्णसंधी आहे.
"या" वेबसाईटवर करा ऑनलाईन विक्री
https://dir.indiamart.com/impcat/old-coins.html
https://in.pinterest.com/080841052o/sell-old-coins/
http://www.indiancurrencies.com/
एक रुपयाच्या नाण्याला सर्वाधिक मागणी आहे. हे एक नाणं तुम्हाला लखपती करू शकतं. मात्र यासाठी अट आहे. हे खास असलेलं नाणं 1913 मधलं असणं गरजेचं आहे. 100 वर्षांहून जुनं असलेलं हे नाणं असून सरकारने जारी केलं होतं. पण हे खूप दुर्मिळ असल्याचं म्हटलं जातं. हे चांदीचं नाणं असून सध्या त्यासाठी तब्बल 25 लाख मिळत आहेत. इंडिया मार्टवर तुमच्याकडे अशी काही खास नाणी असल्यास ती तुम्ही विकू शकता. एका हिंदी वेबसाईटने याबाबतचे वृत्त दिले आहे.