ट्रकची दुचाकीला धडक. महिला जागीच ठार

वणी : भरधाव वेगातील १२ टायर ट्रकने पुढे जाणाऱ्या दुचाकीला धडक दिल्याने ५० वर्षीय महिला जागीच ठार झाली, तर दोघे गंभीर जखमी झाले आहेत. अपघातानंतर फरार झालेल्या ट्रकचालकाला पाठलाग करुन पकडण्यात यश आले.

ठळक मुद्दे वणी ग्रामीण रुग्णालयात प्राथमिक उपचार करण्यात आले.

वणी : भरधाव वेगातील १२ टायर ट्रकने पुढे जाणाऱ्या दुचाकीला धडक दिल्याने ५० वर्षीय महिला जागीच ठार झाली, तर दोघे गंभीर जखमी झाले आहेत. अपघातानंतर फरार झालेल्या ट्रकचालकाला पाठलाग करुन पकडण्यात यश आले.

याबाबत माहिती अशी गुरुवारी (दि.२५) दुपारच्या सुमारास वणी ग्राम सचिवालयालगत असलेल्या कला व वाणिज्य महाविद्यालयाच्या रस्त्यावरून दिलीप काशीनाथ पाडवी (६०) राहणार शिवलपाडा भनवड, जिजाबाई दिलीप पाडवी (५०) व विठ्ठल तुळशीराम गायकवाड (७०) राहणार अंबाड (भनवड) असे तिघे दुचाकीवरून वणी सापुतारा रस्त्यावरुन दुपारच्या सुमारास जात असताना भरधाव वेगात आलेल्या १२ टायर ट्रकने दुचाकीला मागून धडक दिल्याने दुचाकीवरील महिला काही फुटावर पडून जबर मार लागल्याने जिजाबाई पाडवी या जागीच ठार झाल्या, तर दिलीप पाडवी व विठ्ठल गायकवाड हे गंभीर जखमी झाले.

त्यांच्यावर वणी ग्रामीण रुग्णालयात प्राथमिक उपचार करण्यात आले. प्रकृती अस्वस्थ झाल्याने त्यांना नाशिकला हलविण्यात आले. दरम्यान अपघातानंतर भरधाव ट्रकचालक पसार झाला. त्याचा पोलिसांनी पाठलाग केला. माळे फाट्याजवळ हा ट्रक पकडण्यात आला. पोलिसांनी ट्रकसह चालकास ताब्यात घेतले.