जमिनीच्या हिस्स्यावरून मुलाने पेटवला चारा

सटाणा : वाटा हिस्सा देत नाही म्हणून मुलाने व पुतण्याने शेतातील तीन ट्रॉली मक्याच्या चाऱ्याला आग लावून दिल्याची घटना गुरुवारी तालुक्यातील नळकस येथे घडली.

ठळक मुद्दे जायखेडा पोलिसांनी दोघांविरुद्ध गुन्हा दाखल केला आहे.

सटाणा : वाटा हिस्सा देत नाही म्हणून मुलाने व पुतण्याने शेतातील तीन ट्रॉली मक्याच्या चाऱ्याला आग लावून दिल्याची घटना गुरुवारी तालुक्यातील नळकस येथे घडली.

नळकस येथील सारदे रस्त्यावरील सजन नारायण देवरे (६५) यांच्या शेतात तीन ट्रॉली मक्याचा कडबा रचलेला होता .बुधवारी रात्री नऊ वाजेच्या सुमारास देवरे यांचा मुलगा समाधान सजन देवरे व पुतण्या काकाजी उखा देवरे यांनी वडील जमिनीचा वाटा हिस्सा देत नाही म्हणून मोटारसायकलवर येऊन चाऱ्याला आग लावून दिली .या आगीत संपूर्ण चारा जळून झाला .याप्रकरणी जायखेडा पोलिसांनी दोघांविरुद्ध गुन्हा दाखल केला आहे.