इगतपुरी : तालुक्यातील प्राथमिक शिक्षकांचे जुलै महिन्याचे वेतन सप्टेंबर उजाडला तरी थकले आहे. ऐन सणासुदीच्या काळात शिक्षकांना पगाराविना अनेक समस्यांना तोंड द्यावे लागत आहे . याप्रकरणी गटविकास अधिकारी किरण कोवे यांना शिक्षकांच्या वतीने निवेदन दिले आहे.आॅनलाइनच्या पगाराच्या नावाखाली गेल्या चार महिन्यापासून शिक्षकांच्या पगाराची हेळसांड होत आहे. दरमहा वेळेवर पगार करण्याबाबत विविध संघटनांच्या माध्यमातून धरणे, उपोषण, मोर्चा व मागण्या करूनही शिक्षण विभाग आणि तेथील कर्मचारी हेतुपुरस्सर दुर्लक्ष करत आहे. त्यामुळे शिक्षकांना विविध कामे करताना आर्थिक संकटाचा सामना करावा लागत आहे.वेळोवेळी करण्यात आलेल्या मागण्या करूनही केराची टोपली दाखविली जात असल्याने शिक्षकांना आर्थिक विवंचना सहन करावी लागत आहे. याप्रकरणी माजी आमदार काशीनाथ मेंगाळ यांनी शिक्षण विभागातील लिपिक डी.पी. चव्हाण यांनी चांगलेच धारेवर धरले. यात सुधारणा न झाल्यास आणि शिक्षकांचे पगार वेळेवर न झाल्यास आपण स्वत: मुख्य कार्यकारी अधिकारी सुखदेव बनकर यांच्याकडे तक्रार करणार असल्याचा इशाराही यावेळी माजी आमदार मेंगाळ यांनी दिला आहे.यावेळी महाराष्ट्र राज्य प्राथमिक शिक्षक समितीचे महाराष्ट्र राज्य प्राथमिक शिक्षक समितीचे जिल्हा उपाध्यक्ष प्रकाश सोनवणे, सरचिटणीस जनार्दन कडवे, हरिश्चंद्र दाभाडे, सरचिटणीस जनार्दन कडवे, जिल्हा उपाध्यक्ष प्रकाश सोनवणे यांच्यासह नंदू आव्हाड, शिवाजी भामरे, गणेश भामरे, प्रमोद परदेशी, सचिन कापडणीस, सुनील सांगळे, भगवान भामरे, प्रशांत वाघ, पराग कोकणे, यशवंत मगनाले, संजय दराडे, नवनाथ बटवल, अनिल शिरसाठ, रंजन कासार, राजेंद्र पवार आदि यावेळी निवेदन देतेवेळी उपस्थित होते. (वार्ताहर)