नाशिक : सिन्नर तालुक्यातील नायगाव येथील तलाठी मनोज किसन नवाळे याला १३ हजार रुपयांची लाच स्वीकारल्याप्रकरणी न्यायालयाने भ्रष्टाचार प्रतिबंध कायद्यान्वये पाच वर्ष सक्तमजुरी व १०हजार रुपयांचा दंड ठोठावला आहे. तसेच दंड न भरल्यास ६ महिने अतिरिक्त कारावासाची शिक्षा सुनावली आहे.
लाचलुचपत प्रतिबंधक विभागाने या प्रकरणातील तक्रारदार यांचे आई व वडिलांनी ब्राह्मणवाडे शिवारात १० गुंठे शेती विकत घेतली होती.
त्याबाबत महसुली दप्तरात नोंद घेण्यासाठी तलाठी मनोज नवाळेने तक्रारदारांकडे १३ हजार रुपयांची मागणी केली. त्यामुळे तक्रारदार यांनी नाशिक येथील लाचलुचपत प्रतिबंधक कार्यालयात (एसीबी) तक्रार दिली. त्यानंतर १४ ऑगस्ट २०१३ ला एसीबीच्या पथकाने पडताळणी करून सापळा रचून मनोज नवाळेला लाचेची रक्कम पंच साक्षीदारांसमक्ष स्वीकारताना रंगेहाथ अटक केली. या प्रकरणात १५ ऑगस्ट २०१३ गुन्हा दाखल करण्यात आल्यानंतर न्यायालयात दोषारोपत्र दाखल करण्यात आले होते. या घटल्यात शुक्रवारी (दि. ०५) अतिरिक्त जिल्हा व सत्र न्यायाधीश एस.एस. नायर यांनी निकाल देताना मनोज नवाळे याला भ्रष्टाचार प्रकरणात दोषी ठरवत ५ वर्षे सक्तमजुरी व १० हजार रुपये दंड, दंड न भरल्यास ६ महिने
कारावासाची शिक्षा सुनावली आहे.