सिन्नरमध्ये भीषण अपघातात चौघांचा होरपळून मृत्यू; जागरण गोंधळावरून परतताना काळाचा घाला

सिन्नर तालुक्यात भीषण अपघातात चार जणांचा होरपळून मृत्यू झाला.

Sinnar Accident: तालुक्याच्या पूर्व भागातील पंचाळे -शहा रस्त्यावर रात्री दोन वाजेच्या सुमारास ट्रक व पिकअप यांच्यात जोरदार धडक होऊन पिकप कार पेटली. यात दोन महिला व दोन पुरुष यांचा होरपळून मृत्यू झाला.

पंचाळे येथून काहीजण पिकअप गाडीने जागरण गोंधळासाठी गेल्याची समजते रात्री परत येत असताना पंचाळे- शहा रस्त्यावर पंचाळे गावापासून दोन किलोमीटर अंतरावर हा भीषण अपघात झाला. यात पंचाळे गावातील आदिवासी कुटुंबातील चौघांचा होरपळून मृत्यू झाला. पशुखाद्य भरलेल्या असलेल्या ट्रकने सुमारे १०० फूट पिकअप ओढत नेली. यात डांबरी रस्त्यावर घर्षण होऊन पिकअप पेटली असावी असा अंदाज आहे. पंचाळे व शिंदेवाडी ग्रामस्थांनी रात्री उशिरा मदत कार्य केले. सर्व चारही मृत सिन्नर तालुक्यातील पंचाळे येथील रहिवासी आहे. घटनास्थळी आग विझवण्यासाठी अग्निशामक दलाला पाचारण करण्यात आले होते.