सराफी दुकान फोडून पावणेदोन लाखांच्या दागिन्यांची चोरी

नाशिक : सराफी दुकानाच्या शटरचे कुलूप तोडून चोरट्यांनी पावणेदोन लाख रुपये किमतीचे सोन्या-चांदीचे दागिने चोरून नेल्याची घटना शिवाजीनगरमधील नरसिंह ज्वेलर्समध्ये घडली आहे़

ठळक मुद्देशिवाजीनगरमधील नरसिंह ज्वेलर्समध्ये घडली घटना

नाशिक : सराफी दुकानाच्या शटरचे कुलूप तोडून चोरट्यांनी पावणेदोन लाख रुपये किमतीचे सोन्या-चांदीचे दागिने चोरून नेल्याची घटना शिवाजीनगरमधील नरसिंह ज्वेलर्समध्ये घडली आहे़

शिवाजीनगर येथील नितीन दिलीप दाभाडे (३१, रा. राजनदीनी व्हीला) यांनी गंगापूर पोलीस ठाण्यात दिलेल्या फिर्यादीनुसार २९ व ३० जून या कालावधित चोरट्यांनी दुकानाच्या शटरचे कुलूप तोडून दुकानात प्रवेश केला़ तसेच दुकानातील १ लाख ७६ हजार रुपये किमतीचे सोन्या-चांदीचे दागिने चोरून नेले़ त्यामध्ये सोन्याचे झुबे, सोन्याची कान साखळी, सोन्याची पोत, सोन्याची साखळी, सोन्याचे डोरले, सोन्याची कुडके, सोन्याची बुगडी, सोन्याचे मणी, चांदीचे बाजूबंद, चांदीची तार, चांदीचे पायल बॉक्स, गाडीचे कागदपत्र, बँकेचे चेक यांचा समावेश होता़

याप्रकरणी गंगापूर पोलीस ठाण्यात घरफोडीचा गुन्हा दाखल करण्यात आला आहे़