‘बदलते शिवार’ पुस्तकाचे प्रकाशन

पळसे येथील कामगार नेते विष्णुपंत गायखे लिखित ‘बदलते शिवार’ या पुस्तकाचा प्रकाशन समारंभ संत आईसाहेब महाराज इंग्लिश स्कूल येथे गुरुवारी दुपारी पार पडला. याप्रसंगी मिठे बोलत होते. ‘बदलते शिवार’ सामजिक विकारांवर भाष्य करणारा दस्तावेज आहे. लेखकाने समाजाचा ढोंगीपणा परखडपणे सोदाहरण उघड केला आहे. समाजातील दांभिकतेवर आसूड ओढण्याचे काम या पुस्तकातून झाले आहे. सातासमुद्रापार दखल घेतली जाईल, असे साहित्य निर्मितीची क्षमता विष्णुपंत गायखे यांच्याकडे असल्याचे गौरवोद‌्गार राजाराम गायधनी यांनी याप्रसंगी काढले. विष्णुपंत गायखे यांनीही ‘बदलते शिवार’ हे पहिलेवहिले पुस्तक आकाराला येण्यामागे कोणाची आणि कशी प्रेरणा मिळाली याचे किस्से आपल्या मनोगतातून सांगितले. या कार्यक्रमास सरपंच सुरेखा गायधनी, अशोक गायधनी, संजय तुंगार, बबन थेटे, नवनाथ गायधनी, शिवाजी गायख, शरद टिळे आदींसह ग्रामीण साहित्य चळवळीचे कार्यकर्ते, स्थानिक नागरिक उपस्थित होते. कार्यक्रमाचे सूत्रसंचालन कवी रवींद्र मालुंजकर यांनी केले. आभार दिलीप गायधनी यांनी मानले.(फोटो २१ पळसे १)