उपनगर-टाकळी कॉर्नरवर रस्त्यात खड्डा
नाशिक : गांधीनगर संरक्षण भिंतीपासून जाणाऱ्या उपनगर रस्त्यावरील टाकळी कॉर्नर मार्गावर रस्त्यातच भला मोठा खड्डा पडला आहे. रात्रीच्या सुमारास खड्डा दिसत नसल्याने अनेक दुचाकी खड्ड्यात आदळत असल्याने अपघात घडत आहेत. काही दुचाकीस्वार खड्ड्यामुळे पडल्याने जखमीदेखील झाले आहेत. सदर खड्डा त्वरित बुजविण्याची मागणी होत आहे.
सैलानी चौकातील गर्दीमुळे अडथळा
नाशिक : जेलरोड येथील सैलानी चौकात उभे राहणारी कामगाार तसेच खाद्यपदार्थांच्या हातगाड्यांमुळे रस्त्यावरून जाणाऱ्या अन्य वाहनधारकांना अडथळा होत आहे. सकाळच्या सुमारास याठिकाणी मोठ्या प्रमाणात कामगार उभे राहत असल्याने मोठी गर्दी असते.
रविशंकर मार्गावर सुसाट वाहनांचा धोका
नाशिक : रविशंकर मार्गावर सुसाट वेगाने धावणाऱ्या वाहनांमुळे धोका निर्माण झाला आहे. सदर रस्त्याच्या दुतर्फा नागरी वसाहत असल्याने या मार्गावर वर्दळ असते. मात्र रस्ता विस्तीर्ण असल्याने अनेक तरुण सुसाट वेगाचे दुचाकी चालविण्याची स्टंटबाजी करीत असतात. त्यांना पोलिसांनी समज द्यावी अशी मागणी होत आहे.