सीसीटीव्हीची तोडफोड : महाराष्ट्र बॅँकेची तिजोरी साफ

दापूर शाखेतून २६ लाखांची चोरी

नांदुरशिंगोटे : सिन्नर तालुक्यातील दापूर येथील बॅँक आॅफ महाराष्ट्र शाखेतून शुक्रवारी रात्री अज्ञात चोरट्यांनी गॅस कटरच्या साहाय्याने तिजोरी कापून २५ लाख ७८ हजार ७३२ रुपयांची रोकड लंपास केली. चोरट्यांनी बॅँकेतील तीन संगणक व सायरनची मोडतोड करण्यासह सीसीटीव्ही यंत्रणेचीही मोडतोड
केली.
दापूर गावात मध्यवर्ती ठिकाणी मोठेबाबा मंदिरानजीक ग्रामपंचायत कार्यालयाशेजारी बॅँक महाराष्ट्र बॅँकेची शाखा आहे. अज्ञात चोरट्यांनी रात्री बॅँकेच्या पाठीमागील बाजूची खिडकी तोडून आत प्रवेश केला. गॅस
कटरच्या साहाय्याने चोरट्यांनी तिजोरी कापली. त्यातील २५ लाख ७८
हजार ७३२ रुपये घेऊन चोरटे
पसार झाले. त्यापूर्वी चोरट्यांनी बॅँकेतील तीन कॉम्प्युटर्सची तोडफोड केली. सीसीटीव्हीची व्ही सॅट
यंत्रणा ेचोरट्यांनी तोडून
टाकली. तिजोरीला लावलेल्या सायरनच्या वायर्स कापण्यासह त्याची तोडफोड करण्यात आली. चोरट्यांनी गॅस कटर व सिलिंडर तेथेच टाकून पोबारा केला. सकाळी ७ वाजेच्या सुमारास ग्रामस्थांना शाखेची पाठीमागील खिडकी तोडलेली दिसून आली. (पान ७ वर)








त्यानंतर सरपंच सोमनाथ आव्हाड यांनी शाखाधिकारी रवींद्र तनपुरे यांना दूरवध्वनीवरून घटनेची माहिती दिली.
पोलीस उपअधीक्षक सी.एच. देवराज, वावी पोलीस ठाण्याचे सहाय्यक पोलीस निरीक्षक हेमंत पाटील यांच्यासह कर्मचाऱ्यांनी घटनास्थळी धाव घेऊन पंचनामा केला. घटनास्थळी श्वान पथक व ठसेतज्ज्ञांना पाचारण करण्यात आले होते. शाखा व्यवस्थापक रवींद्र सुधाकर तनपुरे यांनी अज्ञात चोरट्यांविरोधात चोरीची फिर्याद दिली आहे. वावी पोलीस ठाण्यात अज्ञात चोरट्यांविरोधात चोरीचा गुन्हा दाखल केला आहे. सहाय्यक पोलीस निरीक्षक हेमंत पाटील अधिक तपास करीत आहेत. (वार्ताहर)