नाशिकच्या पाथर्डी शिवारात एकाला जीवे ठार मारण्याचा प्रयत्न

By लोकमत न्यूज नेटवर्क | Published: May 15, 2021 04:29 PM2021-05-15T16:29:08+5:302021-05-15T16:30:57+5:30

नाशिकच्या पाथर्डी शिवारात प्रकाश देसले यांच्या पोटावर चाकूने वार करून खुनाचा प्रयत्न केल्याचा धक्कादायक प्रकार समोर आला आहे. या प्रकरणी संशयित आरोपी सागर चव्हाणके व त्याच्या पत्नी विरुद्ध इंदिरानगर पोलिस जीवे ठार मारण्याचा प्रयत्न करणे गुन्हा दाखल करण्यात आला आहे.

Attempt to kill one in Nashik Pathardi Shivar | नाशिकच्या पाथर्डी शिवारात एकाला जीवे ठार मारण्याचा प्रयत्न

नाशिकच्या पाथर्डी शिवारात एकाला जीवे ठार मारण्याचा प्रयत्न

Next

नाशिक  : संबंध तोडून बोलणे बंद केल्याचा राग येऊन पाथर्डी शिवारात प्रकाश देसले यांच्या पोटावर चाकूने वार केल्याचा धक्कादायक प्रकार समोर आला असून या प्रकरणी संशयित आरोपी सागर चव्हाणके व त्याच्या पत्नी विरुद्ध इंदिरानगर पोलिस जीवे ठार मारण्याचा प्रयत्न करणे गुन्हा दाखल करण्यात आला आहे
पोलिसांनी दिलेल्या माहितीनुसार, गुरुवारी (दि. १३) रोजी रात्री सात वाजेच्या सुमारास प्रकाश देसले, पत्नी वृषाली देसले व मुलगी ( श्री गणेश अपार्टमेंट पाथर्डी शिवार) हे रात्री सात वाजता फेरफटका मारत होते त्यावेळी संशयित आरोपी सागर चव्हाणके व त्याची पत्नी प्राजक्ता चव्हाणके दोघे त्या ठिकाणी येऊन तुम्ही आमच्याशी संबंध तोडून बोलणे का बंद केले असा जाब विचारत शिवीगाळ करीत देसले यांनामारहाण केली. यावेळी संशयित आरोपी सागर चव्हाणके याने चाकूने प्रकाश देसले यांच्या पोटावर दोनदा वार करीत गंभीर दुखापत केली. तसेच तुमच्या सर्व कुटूंबाचा गेम करतो अशी धमकीही दिली. याप्रकरणी इंदिरानगर पोलिस ठाण्यात चव्हाणके पती-पत्नीवर जीवे ठार मारण्याचा प्रयत्न करणे गुन्हा दाखल करण्यात आला आहे

Web Title: Attempt to kill one in Nashik Pathardi Shivar

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app