खाजगी दवाखान्यात कोरोना रुग्णांवर उपचारांची सरसकट परवानगी द्यावी

निवेदनात, खासगी प्रॅक्टिस करणाऱ्या डॉक्टरांना उपचार करण्याची सवलत दिल्यास शासकीय व खासगी कोविड रुग्णालयांवरचा ताण कमी होईल व योग्यवेळी उपचाराअभावी रुग्णांना प्राण गमवावे लागणार नाही. राज्यातील ग्रामीण भागात व छोट्या शहरांमध्ये एम.डी. डॉक्टर उपलब्ध नाहीत. मात्र, जनरल प्रॅक्टिस करणारे डॉक्टर अनेक ठिकाणी उपलब्ध आहेत. तरी कोविड रुग्णांवर उपचार करण्यास इच्छुक असलेल्या व त्यांच्या दवाखान्यात आवश्यक सोयी-सुविधा उपलब्ध करून देण्यास तयार असलेल्या जनरल फिजिशियन डॉक्टरांना तज्ज्ञ डॉक्टरांमार्फत प्रशिक्षण देऊन प्राथमिक स्टेजवरील कोरोनाबाधित रुग्णांवर उपचार करण्याची परवानगी दिल्यास आरोग्य यंत्रणेवरचा व शासनाचा खूप मोठा ताण कमी होईल. योग्य वेळी उपचार न मिळाल्याने अनेक सौम्य रुग्णदेखील गंभीर बनत चालले आहेत. अशात ऑक्सिजनची कमतरता, औषधांची कमतरता निर्माण होत आहे तसेच अनेक कोविड सेंटरमध्ये सौम्य लक्षणे असलेल्या रुग्णांनी बेड अडविल्यामुळे गंभीर रुग्णांना बेड उपलब्ध होत नाही. यासाठी योग्य निर्णय घ्यावा, अशी मागणी करण्यात आली आहे.