Nandurbar News | Latest Nandurbar News in Marathi | Nandurbar Local News Updates | ताज्यबातम्या नंदूरबार | नंदूरबार समाचार | Nandurbar Newspaper

नंदुरबार : जिल्ह्यात एक एप्रिलपासून ४५ वर्षावरील नागरीकांचे लसीकरण सुरु करण्यात येणार आहे. यासाठी जिल्हा आरोग्य विभागाने नियाेजन सुरु केले असून एकूण सहा लाख नागरीक ही लस घेणार असल्याची माहिती देण्यात आली आहे. जिल्हा रुग्णालय, ग्रामीण रुग्णालय व आरोग्य केंद्रात हे लसीकरण सुरु होणार आहे.दरम्यान एकीकडे सहा लाख नागरीकांना लस देण्याचे नियोजन सुरु असताना दुसरीकडे लसींचा पुरवठा होणार तरी किती असा प्रश्न आहे. परंतू विभागाकडे दर आठवड्याला साधारण १० हजार लसींचा पुरवठा करण्यात येत असल्याने लसीकरण कोणत्याही अडथळ्याविना पूर्ण होईल अशी शक्यता आहे. जिल्ह्यात कोविशिल्ड व कोव्हॅक्सिन याचे एकूण एक लाख डोसेस आतापर्यंत पुरवण्यात आले आहे. यामुळे सहा लाख नागरीकांचे लसीकरणही वेळेत पूर्ण होणार असल्याचे सांगण्यात आले आहे.४५ वर्ष वयावरील सहा लाख नागरीकांचे सर्वेक्षण केले गेले पूर्णनंदुरबार जिल्ह्यात ४५ वर्ष वयावरील ६ लाख १३ नागरीकांची नोंद आहे. २०२१ मधील नियोजित लोकसंख्येचा आधार घेत ही आकडेवारी काढण्यात आली आहे. जिल्ह्याची आजअखेरीची नियोजित लोकसंख्या ही २० लाख ४३ असल्याची माहिती देण्यात आली आहे. यानुसार कामकाज सुरु करण्यात आले आहे. जिल्हा रुग्णालय, उपजिल्हा रुग्णालय, ग्रामीण रुग्णालय तसेच प्राथमिक आरोग्य अशा ३९ ठिकाणी सध्या लसीकरण सुरु आहे. याच ठिकाणी या सहा लाख नागरीकांना लस देणे नियोजित आहे. दुसरीकडे तीन खाजगी रुग्णालयातही लसीकरण करण्यात येत असल्याची माहिती देण्यात आली आहे.आरोग्य विभागाना मागणीनुसार लसींचा केला जातोय पुरवठानंदुरबार जिल्ह्यात प्रारंभी १२ हजार डोसेज देण्यात आले होते. कालांतराने १० हजार डोसेज पुरवठा करण्यात आला. आरोग्य विभागाला कोविशिल्ड आणि कोव्हॅक्सिन या दोन्ही लसींचे डोसेज वेळोवेळी देण्यात आले आहेत. या कोविशिल्डचे सर्वाधिक ७० हजार डोसेज असल्याची माहिती देण्यात आली आहे. उर्वरित ३० हजार डोसेज हे कोव्हॅक्सिनचे आहेत. दोन्ही लसींचा पुरवठा हा दर आठवड्याला करण्यात येत आहे. येत्या काळातही मागणी तेवढा पुरवठा होईल अशी खात्री आरोग्य विभागाने वर्तवली आहे. लस पुरवठा करणा-यांकडे याबाबत सातत्याने माहितीही दिली जात आहे.नंदुरबार जिल्ह्यात कोरोना लसीकरण वेगाने सुरु आहे. जिल्ह्यात काम करणारे हेल्थ वर्कर, फ्रंट लाईन वर्कर यांचे लसीकरण संपुष्टात येणार आहे. ज्येष्ठांचे लसीकरण सुरु आहे. एक एप्रिलपासून ४५ वर्षावरील नागरीकांचे लसीकरण करण्याची तयारी पूर्ण झाली आहे. सर्वांना पहिला डोस वेळेत देवून दुस-या डोसची तयारी केली जाणार आहे. जिल्ह्यातील नागरीकांनी सहकार्य करण्याची गरज आहे.-डाॅ. एन.डी.बोडके,जिल्हा आरोग्य अधिकारी, नंदुरबार.

Nandurbar (Marathi News)

नंदुरबार : जिल्ह्यात कोरोनाबाधित रुग्णांची संख्या ही आता १५ हजार झाली आहे. यातील २७० जणांचा मृत्यू झाला आहे. दर ... ...