१०० वर्षात प्रथमच कोरडी पडली तळोदा तालुक्यात वाहणारी निझरा नदी

लोकमत न्यूज नेटवर्क
बोरद : तळोदा तालुक्यात वाहणारी सर्वाधिक वेगवान अशा निझरा नदीला साडेचारशे वर्षात प्रथमच पाणी आलेले नाही़ नदीवर बांधलेल्या धनपूर धरण प्रकल्पात पाणीसाठा झाल्याने नदीचे पात्र प्रथमच कोरडे पडले आहे़
तळोदा तालुक्यातील दुर्गम भागात झऱ्यातून प्रवाहित होणारी निझरा नदी छोटा धनपूर ते मोड यादरम्यान विस्तीर्ण होते़ रूंदावलेल्या पात्रात पावसाळ्याचे चार महिने नदीचे पाणी पूर्वी खळाळून वाहत असे़ दरम्यान गेल्या दोन वर्षांपूर्वी नदीवर धनपूर गावाजवळ मध्यम प्रकल्पाची उभारणी जलसंपदा विभागाकडून करण्यात आली़ गेल्या वर्षी झालेल्या विक्रमी पावसामुळे धरण जुलै महिन्यात भरून आॅगस्ट महिन्यात नदीला पूर आला होता़ यंदा मात्र पावसाने सुरूवातीच्या काळात दमदार हजेरी न दिल्याने धरणातील साठ्यात वाढ झाली नव्हती़ सध्या तालुक्यात संततधार पाऊस सुरू असला तरी धरण अद्याप भरलेले नाही़ यातून नदी पात्रात पाणी आलेले नसल्याने नदी कोरडी ठाक पडली आहे़ साडेचारशे वर्षात प्रथमच असा प्रसंग आल्याची माहिती मोड ग्रामस्थांकडून देण्यात आली आहे़ दरम्यान धनपूर धरणाची क्षमता ३़१८ दशलक्ष घनमीटर आहे़ तूर्तास धरणात केवळ २़२२ दशलक्ष घनमीटर पाणीसाठा आहे़ या साठ्यात वाढ होत असल्याची माहिती देण्यात आली आहे़ हे धरण भरल्यानंतर नदीपात्रात पाणी सोडले जाणार आहे़ निझरा नदी हे मोड व परिसरातील गावांचा प्रमुख जलस्त्रोत आहे़ नदीच्या पात्रात जमा होणाºया पाण्यामुळे काठावरच्या विहिरी आणि इतर स्त्रोतांमध्ये भूजल पातळीत वाढ होते़ परंतु नदी कोरडी असल्याने चिंता व्यक्त होत आहे़
धनपूर धरणातून शेतकऱ्यांना पाणी देण्यासाठी पाटचाºयांची निर्मिती करण्यात आलेली नाही़ यातून सिंंचनाचा प्रश्न अपूर्ण आहे़ नंदुरबार मध्यम प्रकल्पाचे कनिष्ठ अभियंता शिंदे यांनी धरण लवकरात लवकर भरणार असल्याचे म्हटले असून त्यानंतर नदीपात्रात पाणी येणार असल्याचे म्हटले आहे़