शासन ज्यांना कामावर बोलवत नाही त्यांचे वेतन नियमित होत आहेत. परंतू दुसरीकडे सातत्याने कार्यरत असलेल्या आरोग्य कर्मचारींना मात्र वेळेवर मिळत नसल्याचे दिसून आले आहे. याबाबत प्रशासनाला वारंवार ही बाब निदर्शनास आणून देखील त्याकडे दुर्लक्ष केले जात आहे. दरमहा पंधरा तारखेच्या पुढेच वेतन होत आहेत. मार्च महिन्याचे वेतन तर २७ एप्रिल रोजी मिळाले. एप्रिल महिन्याच्या वेतनासाठी २० मे तारीख उजाडण्याची शक्यता आहे.
वेतन विलंब होवू नये यासाठी शासनाने दरमहा एक तारखेला वेतन अदा व्हावे यासाठी नियम करुन दिला आहे. तसेच सेवार्थ प्रणालीच्या माध्यमातून विहीत मुदत ठरवून दिली आहे. मात्र कधीही या नियमांचे पालन होत नसल्याने आरोग्य कर्मचा-यांमध्ये प्रचंड नाराजी आहे. वेतन विलंब होऊ नये यासाठी कायमस्वरुपी तोडगा काढून वेतन दरमहा एक ते पाच तारखेच्या आत व्हावे यासाठी प्रशासनाने कडक उपाययोजना कराव्यात अन्यथा आंदोलन करण्याचा इशारा जि.प.आरोग्य सेवा कर्मचारी संघटनेच्या वतीने देण्यात आला आहे.