नांदेड: नांदेड शहरात छेड काढल्याचा आरोप करीत मनपाच्या रुग्णालयात सेवा देणाऱ्या वैद्यकीय अधिकाऱ्याला नातेवाइकांनी मारहाण केल्याची घटना घडली आहे. या मारहाणीचा व्हिडीओ सोशल मीडियावर व्हायरल झाला आहे; परंतु याबाबत अधिकृतपणे पोलिस ठाण्यात कोणतीही तक्रार दाखल झाली नाही.
मिळालेल्या माहितीनुसार, शहरातील कौठा भागात असलेल्या महापालिकेच्या रुग्णालयात काही दिवसांपूर्वी ही घटना घडली. वैद्यकीय अधिकारी डॉ. बालाप्रसाद कुंटूरकर हे रुग्णालयातील आपल्या कार्यालयात बसले होते. यावेळीकाही महिला आणि पुरुष त्या ठिकाणी आले.
यावेळी महिलेने छेड काढल्याचा आरोप करीत कुंटूरकर यांना धारेवर धरले. त्यातून कुंटूरकर आणि महिलेमध्ये शाब्दिक वादही झाला. त्याच वेळी त्या ठिकाणी असलेल्या महिलेच्या नातेवाइकांनी कुंटूरकर यांना मारहाण केली. या मारहाणीचा व्हिडीओ तयार करण्यात आला होता. आता तोच सोशल मीडियावर व्हायरल होत आहे.
Web Summary : A medical officer in Nanded was allegedly assaulted by relatives after being accused of molestation. A video of the incident has gone viral. Police complaint not filed.
Web Summary : नांदेड में एक मेडिकल ऑफिसर पर छेड़छाड़ का आरोप लगने के बाद रिश्तेदारों ने कथित तौर पर हमला कर दिया। घटना का एक वीडियो वायरल हो गया है। पुलिस में शिकायत दर्ज नहीं।