मुलीकडे हैदराबादला गेले, चोरट्याने रोख, दागीने नेले; नागपूरमधील घटना
By दयानंद पाईकराव | Published: December 2, 2023 01:57 PM2023-12-02T13:57:56+5:302023-12-02T13:58:04+5:30
कोराडी पोलिसांनी अज्ञात आरोपीविरुद्ध कलम ४५४, ४५७, ३८० नुसार गुन्हा दाखल करून आरोपीचा शोध सुरु केला आहे.
![Went to hyderabad to girl, thief took cash, jewellery; Incidents in Nagpur | मुलीकडे हैदराबादला गेले, चोरट्याने रोख, दागीने नेले; नागपूरमधील घटना Went to hyderabad to girl, thief took cash, jewellery; Incidents in Nagpur | मुलीकडे हैदराबादला गेले, चोरट्याने रोख, दागीने नेले; नागपूरमधील घटना](https://d3pc1xvrcw35tl.cloudfront.net/images/840x630/euuhdnb5_2023121132209.jpg)
मुलीकडे हैदराबादला गेले, चोरट्याने रोख, दागीने नेले; नागपूरमधील घटना
नागपूर : कुटुंबासह मुलीकडे हैदराबादला गेलेल्या व्यक्तीच्या घरातील रोख आणि सोन्याचे दागीेने असा एकुण १.२५ लाखांचा मुद्देमाल अज्ञात आरोपीने चोरुन नेला. ही घटना कोराडी पोलिस ठाण्याच्या हद्दीत २९ नोव्हेंबरला सायंकाळी ५.२५ ते ३० नोव्हेंबरला सकाळी ११.३० दरम्यान घडली.
अमोल देवराव बनकर (वय ४१, रा. शिवगौरी को-ऑपरेटिव्ह हाऊसिंग सोसायटी, ओमनगर) हे आपल्या घराला कुलुप लाऊन कुटुंबासह हैदराबाद येथे मुलीकडे गेले होते. आरोपी त्यांच्या घराच्या कंपाऊंडमधून आत शिरला. चोरट्याने बेडरुमच्या खिडकीचा लोखंडी गज तोडून घरात प्रवेश केला. त्यानंतर घरातील सोन्या-चांदीचे दागीने व रोख ८० हजार असा एकुण १.२५ लाखांचा मुद्देमाल चोरून नेला. या प्रकरणी बनकर यांनी दिलेल्या तक्रारीवरून कोराडी पोलिसांनी अज्ञात आरोपीविरुद्ध कलम ४५४, ४५७, ३८० नुसार गुन्हा दाखल करून आरोपीचा शोध सुरु केला आहे.