पाटणसावंगी (नागपूर) : तरुणाने अल्पवयीन मुलीशी शरीरसंबंध प्रस्थापित करून त्याची व्हिडिओ क्लीप तयार केली व मित्रांना पाठविली. त्याच्यासह मित्रांनी मुलीवर मागील दीड वर्षांपासून सुरू होता. ही घटना उघडकीस येताच परिसरात खळबळ उडाली. या प्रकरणातील सर्व फरार आरोपींपैकी सहा आरोपींच्या मुसक्या आवळण्यात खापा पोलिसांना यश आले आहे.
या प्रकरणातील प्रमुख आरोपी धीरज हिवरकर याने ओळखीचा फायदा घेत पीडित अल्पवयीन मुलीसोबत बळजबरीने शरीरसंबंध प्रस्थापित केले होते. या प्रकाराची व्हिडीओ क्लिप तयार करून त्याने इतर मित्रांना पाठवली. या क्लिपच्या आधारावर पीडितेला ब्लॅकमेल करत मित्रांनीही तिच्याशी बळजबरीने शरीरसंबंध प्रस्थापित करत लैंगिक अत्याचार केला. गेल्या दीड वर्षापासून हा प्रकार सुरू होता. बदनामीच्या भीतीने पीडितेने आत्महत्या करण्याच्या प्रयत्नात असतानाच, ही बाब तिच्या पालकांना कळली. त्यांनी तत्काळ मंगळवारी खापा पोलिस ठाणे गाठून तक्रार नोंदवली होती.
या प्रकरणात एकूण २२ जणांचा समावेश असल्याचे पुढे आले आहे. याप्रकरणी खापा पाेलिसांनी भादंवि ३७६, ३५४ (अ), ३५४ (ड), ५०४, पोक्सोअन्वये गुन्हा नाेंदवत तपास सुरू केला आहे. यासोबतच धीरज हिवरकर, वेदांत आवते, गोलू लिखार, विकास हेडाऊ व लकी धार्मिक (सर्व रा. खापा, ता. सावनेर) या पाच जणांविरुद्ध गुन्हे दाखल करत त्यांना ताब्यात घेण्याची प्रक्रिया सुरू केली होती. मात्र, सर्व आरोपी फरार झाले होते. दरम्यान, मंगळवारी रात्रीपासून ते बुधवारी संध्याकाळपर्यंत विविध ठिकाणांहून आरोपींपैकी लिलाधर धर्मेंद्र चौरागडे (१९, रा. खैरी पंजाबराव), सुशील कृष्णा धार्मिक (१९), प्रणय सुनील डेकाटे (१९), निखील सदाशिव धांदे (२३), वेदांत विलास आवते (२३), गोलू रमेश लिखार (२४, सर्व रा. खापा) यांना अटक करण्यात यश मिळवले आहे. इतर आरोपींचा शोध सुरू आहे.
अटक झालेल्या आरोपींचा सात दिवसांचा पीसीआर घेण्यात आला आहे. ही कारवाई एलसीबी टीम पीआय कोकाटे, एपीआय करमलवार यांनी केली व स्थानिय यांच्या संयुक्त कारवाईत विविध स्थानावरून मंगळवार ते बुधवार सायंकाळीपर्यंत आरोपींना अटक करण्यात आली. या प्रकरणाचा तपास एसपी हर्ष पोद्दार व संदीप पखाले, डीवायएसपी अजय चांदखेडे यांच्या मार्गदर्शनात सावनेर ठाणेदार रवींद्र मानकर व खापा ठाणेदार मनोज खडसे करीत आहेत.