Video : नागपुरात लकडगंज परिसरातील आरा मशिनला भीषण आग; ८ दुकाने जळून स्वाहा

आज सकाळच्या सुमारास लकडगंजमधील लाकडाच्या गोडाऊनला भीषण आग लागली. यामध्ये ६ आरा मशिन व ७-८ दुकाने जळून स्वाहा झाल्याची प्राथमिक माहिती आहे.

नागपूर : लकडगंज परिसरातील भंडारा रोडवरील हरिहर मंदिर नजीकच्या आरा माशिनला गुरुवारी सकाळी भीषण आग लागली असून सहा आरा मशिन जळून खाक झाल्या आहेत. अग्निशमन दलाच्या ९ गाड्या घटनास्थळी दाखल झाल्या असून आगीवर नियंत्रण आणण्याचे प्रयत्न सुरू आहेत.

माहितीनुसार आज सकाळच्या सुमारास लकडगंजमधील लाकडाच्या गोडाऊनला आग लागली. ही बाब निदर्शनास येताच नागरिकांनी अग्नीशमन दलाला माहिती दिली. पाहता-पाहता आगीचे लोळ उठू लागले व तिने रौद्ररुप धारण केले. अग्निशमन दलाचा ताफा घटनास्थळी पोहोचला असून आग आटोक्यात आणण्यासाठीचे प्रयत्न सुरू आहेत. 

नागपुरात लकडगंज परिसरातील आरा मशिनला भीषण आग, ८ दुकानं जळून खाकhttps://t.co/CbvSFUjpi9pic.twitter.com/ENMKcf9rXF

— Lokmat (@lokmat) April 7, 2022

या आगीत ६ आरा मशिन व ७-८ दुकाने जळून स्वाहा झाल्याची प्राथमिक माहिती आहे. आगीचे नेमके कारण अद्याप स्पष्ट नाही. मात्र, लाकडाचे गोडाऊन असल्याने आग मोठ्या प्रमाणात भडकली. या घटनेत आसपासच्या दुकानांचे मोठ्या प्रमाणात नुकसान झाले आहे.