लोकमत न्यूज नेटवर्कनागपूर : बाधितांच्या व मृतांच्या वाढत्या संख्येने कोरोनाची भीती वाढत चालली आहे. दोन दिवसात १०९ रुग्णांचा मृत्यू झाला. यात गुरुवारी सर्वाधिक, ६४ मृत्यूची नोंद झाली. गुरुवार व शुक्रवार मिळून ३४२० नव्या रुग्णांची भर पडली. दिलासादायक बाब म्हणजे, बाधितांपेक्षा कोरोनामुक्तांची संख्या अधिक आहे. ४४६९ कोरोनाबाधित रुग्ण बरे झाले आहेत. रुग्णांची एकूण संख्या ६०,९०२ तर मृतांची संख्या १९३५ वर पोहचली आहे. नागपूर जिल्ह्यात कोरोनाचा प्रादुर्भाव कमी होण्याचे नाव घेत नाही आहे. गुरुवारी १७१७ रुग्ण व ६४ मृत्यू झाले तर शुक्रवारी १७०३ रुग्ण व ४५ रुग्णांचे बळी गेले. शहरात कोरोनाबाधितांची एकू ण संख्या ४८४२९, ग्रामीणमध्ये १२११८ तर जिल्ह्याबाहेर ३५५ झाली आहे. शहरात आतापर्यंत १४४९, ग्रामीणमध्ये ३१३ तर जिल्ह्याबाहेर १७३ रुग्णांचे जीव गेले आहेत. जिल्ह्यात रोजच्या मृत्यूची संख्या ६०वर गेल्याने आरोग्य यंत्रणेसमोर मोठे आव्हान उभे ठाकले आहे.३०६२ अ‍ॅन्टिजन चाचणीत ४७१ पॉझिटिव्ह लक्षणे असलेल्या व पॉझिटिव्ह रुग्णाच्या संपर्कात आलेल्या रुग्णांचे तातडीने निदान करण्यासाठी रॅपिड अ‍ॅन्टिजन चाचणी महत्त्वाची ठरते. परंतु लक्षणे नसलेले ही चाचणी करीत असल्याने निगेटिव्ह येण्याचे प्रमाण वाढले आहे. शुक्रवारी जिल्ह्यात ३०६२ चाचण्या झाल्या. यात ४७१ रुग्ण पॉझिटिव्ह तर २५९१ रुग्ण निगेटिव्ह आले. विशेष म्हणजे, लक्षणे असूनही या चाचणीत निगेटिव्ह आलेल्यांना आरटीपीसीआर चाचणी करण्याचा डॉक्टर सल्ला देतात.
आरटीपीसीआर चाचणीत १२३२ रुग्ण बाधितआज ३०८९ रुग्णांची आरटीपीसीआर चाचणी करण्यात आली. १२३२ रुग्ण पॉझिटिव्ह आले तर १८५७ रुग्ण निगेटिव्ह आले. यात एम्सच्या प्रयोगशाळेतून ७७, मेडिकलच्या प्रयोगशाळेतून १२४, मेयोच्या प्रयोगशाळेतून ११८, माफसूच्या प्रयोगशाळेतून ५०, नीरीच्या प्रयोगशाळेतून ३९ तर खासगी प्रयोगशाळेतून ८२४ रुग्ण कोविड पॉझिटिव्ह असल्याचे निदान झाले.दिवसभरात ३०२४ रुग्ण बरेशुक्रवारी दिवसभरात ३०२४ रुग्ण बरे झाले. आतापर्यंतची सर्वात मोठी कोरोनामुक्तांची संख्या आहे. बरे झालेल्या रुग्णांची एकूण संख्या ४८३९६वर गेली आहे. यात शहरातील ३९६३८ तर ग्रामीणमध्ये ८७५८ कोरोनामुक्त आहेत. एकूण रुग्णसंख्येच्या तुलनेत बरे होणाऱ्या रुग्णांचे प्रमाण ७९.४७ टक्क्यांवर पोहचले आहे. सध्याच्या स्थितीत १०५७१ रुग्ण मेयो, मेडिकलसह एम्स व खासगी हॉस्पिटलमध्ये उपचार घेत आहेत.ट्रान्झिटमधील ११ कर्मचारी पॉझिटिव्हवन विभागाच्या सेमिनरी हिल्स येथील ट्रान्झिट ट्रीटमेंट सेंटरच्या २५ पैकी ११ कर्मचाऱ्यांना कोरोना संक्रमण झाले आहे. मिळालेल्या माहितीनुसार चार दिवसापूर्वी १४ सप्टेंबरला सेंटरमधील एक डॉक्टर आणि अन्य दोन कर्मचारी संक्रमित आढळले होते. त्यानंतर सर्व कर्मचाऱ्यांची कोरोना चाचणी करण्यात आली. पॉझिटिव्ह आलेल्या कर्मचाऱ्यांना आणि चाचणी करणाऱ्या कर्मचाऱ्यांना रिपोर्ट येईपर्यंत होम आयसोलेशनचे निर्देश देण्यात आले होते. परंतु, दोनच दिवसात ११ कर्मचाऱ्यांचे रिपोर्ट पॉझिटिव्ह आले आहे. काही मर्यादित कर्मचाऱ्यांच्या सहकार्याने सेंटरमध्ये वन्य प्राण्यांवर उपचार केला जात आहे. यापूर्वी वन मुख्यालय व सेमिनरी हिल्स कार्यालयातील कर्मचारीही पॉझिटिव्ह आले होते.
कोरोनाची आजची स्थितीदैनिक संशयित : ६१५१बाधित रुग्ण : ६०९०२बरे झालेले : ४८३९६ उपचार घेत असलेले रुग्ण : १०५७१ मृत्यू :१९३५